شاقىرتۋ قاعازى – اسكەري كوميسسارياتقا كەلۋدى تالاپ ەتەتىن رەسمي قۇجات. ول ازاماتقا جەكە قول قويدىرۋ ارقىلى, جۇمىس ورنى نەمەسە وقۋ ورنى ارقىلى, سونداي-اق eGov پورتالى, ءموبيلدى قوسىمشا نەمەسە SMS ارقىلى جىبەرىلۋى مۇمكىن. 2025 جىلدان باستاپ بۇل تسيفرلىق حابارلامالار زاڭدى كۇشكە يە بولدى.
قۇجاتتا ناقتى كەلۋ ۋاقىتى, كۇنى جانە مەكەنجايى كورسەتىلەدى. ەگەر ازامات دالەلدى سەبەپسىز كەلمەسە, اكىمشىلىك جازا قولدانىلادى, ال اسكەردەن ادەيى جالتارۋ قىلمىستىق جاۋاپكەرشىلىككە اكەلۋى مۇمكىن.
پاۆلوداردا اسكەري قىزمەتشى قازا تاپتى: قىلمىستىق ءىس قوزعالدى
شاقىرتۋ العاننان كەيىن ەڭ الدىمەن ونداعى مالىمەتتەردىڭ دۇرىستىعىن تەكسەرۋ قاجەت. سونىمەن قاتار, جەكە كۋالىك, وقۋ ورنىنان انىقتاما, مەديتسينالىق قۇجاتتار سياقتى قاجەتتى قاعازداردى الدىن الا دايىنداعان دۇرىس. ەگەر بەلگىلەنگەن ۋاقىتتا كەلە الماساڭىز, سەبەپتى قۇجاتپەن دالەلدەپ, اسكەري كوميسسارياتقا الدىن الا حابارلاۋ كەرەك.
ايتا كەتۋ كەرەك, شاقىرتۋ الۋ بىردەن اسكەرگە كەتۋدى بىلدىرمەيدى. كوپ جاعدايدا بۇل تەك مەديتسينالىق تەكسەرۋ مەن دەرەكتەردى ناقتىلاۋ ءۇشىن جۇرگىزىلەدى. دايىندىق دۇرىس بولسا, بۇل پروتسەسس قيىندىقسىز وتەدى.
