ەڭ ارزان كولىك رەتىندە Lada Granta سانالادى. ونىڭ باعاسى شامامەن 5–6 ميلليون تەڭگەدەن باستالادى. بۇل مودەل قاراپايىم كونديتسيونەر, اۋديوجۇيە جانە قاۋىپسىزدىككە ارنالعان بازالىق ەلەمەنتتەر بار. قوزعالتقىشى 1.6 ليتر, مەحانيكالىق بەرىلىس قورابىمەن جابدىقتالعان.
ەكىنشى ورىندا – Chevrolet Cobalt. ول قازاقستانداعى ەڭ كوپ ساتىلاتىن مودەلدەردىڭ ءبىرى. باعاسى 6.6–7.2 ميلليون تەڭگە ارالىعىندا. كولىكتە اۆتوماتتى بەرىلىس قورابى, كونديتسيونەر جانە نەگىزگى قاۋىپسىزدىك جۇيەلەرى قاراستىرىلعان.
ءۇشىنشى – JAC S3 Pro كروسسوۆەرى. ونىڭ باعاسى شامامەن 6.7–7 ميلليون تەڭگە. كولىك ۆارياتورمەن قامتىلعان, كامەرا, كليمات-باقىلاۋ جانە زاماناۋي مۋلتيمەديا جۇيەسى بار.
سونىمەن قاتار Chery Tiggo 2 Pro كروسسوۆەرى دە وسى باعا ساناتىنا كىرەدى. ول شامامەن 7 ميلليون تەڭگە تۇرادى.
ءتىزىمدى Chevrolet Onix تولىقتىرادى. ونىڭ باعاسى 7–7.6 ميلليون تەڭگە ارالىعىندا.
بۇدان بولەك, 8 ميلليون تەڭگە شەگىندە JAC J7, Jetour X50, Lada Niva, Lada Vesta جانە Kia Soluto سياقتى مودەلدەردى دە كەزدەستىرۋگە بولادى.
جالپى العاندا, بۇل سەگمەنتتەگى كولىكتەر نەگىزىنەن بيۋدجەتكە ساي جاسالعان, قاراپايىم, بىراق كۇندەلىكتى قولدانۋعا جەتكىلىكتى فۋنكتسيونالعا يە اۆتوموبيلدەر بولىپ سانالادى.
