2030 جىلعا دەيىنگى دامۋ جوسپارىنا سايكەس, الماتى ءبىر ورتالىققا عانا تاۋەلدى بولماي, بىرنەشە بەلسەندى اۋداننان تۇراتىن پوليتسەنترلىك قالاعا اينالادى. جالپى بەس نەگىزگى ورتالىق قالىپتاسادى: «شىعىس قاقپاسى», «تاريحي ورتالىق», «سولتۇستىك», «وڭتۇستىك-باتىس» جانە «باتىس». العاشقى كەزەكتە «شىعىس قاقپاسى» مەن «باتىس» باعىتتارى قارقىندى دامىتىلادى.
الماتىدا حايۋاناتتار باعىندا ارىستانعا تاس لاقتىرعان ەر ادامعا ايىپپۇل سالىندى
«شىعىس قاقپاسى» اۋدانى اۋەجاي ماڭىندا ورنالاسىپ, جاڭا ىسكەرلىك ءارى تۋريستىك ورتالىققا اينالادى. ءدال وسى جەردە كانالدارى مەن ەرەكشە جاعالاۋى بار «الماتىلىق ۆەنەتسيا» سالىنادى. بۇدان بولەك, EXPO ورتالىعى, ستاديون, وكەاناريۋمى بار ساۋدا ورتالىعى, تەاتر جانە ويىن-ساۋىق كەشەندەرى, سونداي-اق ءىرى ساياباقتار مەن دەمالىس ورىندارى جوسپارلانعان.
ال «باتىس» ايماعى ءوندىرىس پەن تۇرعىن ءۇيدى قاتار دامىتاتىن زاماناۋي اۋدان بولماق. مۇندا سۋ ارنالارى مەن جاساندى كولدەرى بار Water Garden كەشەنى, جاڭا الماتى-3 ۆوكزالى, LRT جەلىلەرى, ۇلكەن ساياباقتار, جاياۋ جۇرگىنشىلەر مەن گاسترو كوشەلەرى, سپورت نىساندارى سالىنادى.
سونىمەن قاتار قالاداعى بىرقاتار ماڭىزدى نىساندار جاڭارتىلماق. ولاردىڭ قاتارىندا تسيرك, زووپارك, رەسپۋبليكا سارايى, تەاترلار مەن ءىرى سپورت كەشەندەرى بار.
الماتىداعى نوسەر جاڭبىر: كوممۋنالدىق قىزمەت كۇشەيتىلگەن رەجيمگە كوشتى
جالپى العاندا, بۇل جوبالار الماتىنى زاماناۋي, ىڭعايلى ءارى تۋريستەر ءۇشىن تارتىمدى مەگاپوليسكە اينالدىرۋعا باعىتتالعان.
