شولۋعا سايكەس, تولەم جۇيەلەرى تۇراقتى تۇردە دامىپ كەلەدى. بانكارالىق اقشا اۋدارىمدارى جۇيەسى مەن كليرينگ جۇيەسى ارقىلى جۇرگىزىلگەن وپەراتسيالار كولەمى وتكەن جىلمەن سالىستىرعاندا ءوسىم كورسەتكەن.
2025 جىلى بانكارالىق تولەم كارتالارى جۇيەسى ارقىلى 1,04 ميللياردتان استام ترانزاكتسيا وڭدەلگەن. سونىمەن قاتار تولەم جۇيەلەرىنىڭ ۇزدىكسىز جۇمىس ىستەۋ دەڭگەيى 99 پايىزدان جوعارى بولعان.
تسيفرلىق تەڭگە – ينۆەستيتسيالىق قۇرال ەمەس: ۇلتتىق بانك ازاماتتارعا ەسكەرتۋ جاسادى
قازىرگى تاڭدا حالىق اراسىندا تولەم كارتالارى, ءموبيلدى قوسىمشالار جانە QR-كود ارقىلى تولەم جاساۋ كەڭىنەن قولدانىلادى. ناتيجەسىندە بارلىق ترانزاكتسيالاردىڭ باسىم بولىگى ونلاين جانە ءموبيلدى بانكينگ ارقىلى جۇزەگە اسادى.
حالىقارالىق اقشا اۋدارىمدارى جۇيەسى دە سۇرانىسقا يە بولىپ وتىر. كوپتەگەن وپەراتسيالار شەتەلمەن جاسالاتىن ترانسشەكارالىق اۋدارىمدارعا تيەسىلى.
سونىمەن قاتار تولەم ۇيىمدارىنىڭ قىزمەتى دە كەڭەيىپ, ولاردىڭ اينالىمى جىل ىشىندە 16 پايىزدان استام وسكەن.
جالپى العاندا, 2025 جىلعى دەرەكتەر قازاقستانداعى تسيفرلىق تولەم جۇيەلەرىنىڭ جىلدام دامىپ, قولما-قولسىز ەسەپ ايىرىسۋدىڭ نەگىزگى ورىنعا شىققانىن كورسەتەدى.
