فوتو: senate.parlam.kz
زارداپ شەككەندەرمەن كەزدەسۋ بارىسىندا قيراعان نەمەسە سۋ باسقان ۇيلەردەگى م ۇلىككە قاتىستى زالالدىڭ مولشەرىن دالەلدەۋ كەيبىر ادامدارعا قيىنعا سوعاتىنى تۋرالى سۇراقتار ءجيى قويىلادى. ءوز مۇلكىن رەسمي تىركەپ ۇلگەرمەگەندەر, سونداي-اق ساياجايلاردا ءۇي سالعاندار دا قيىن جاعدايدا قالىپ وتىر.
«سۋ باسقان ەلدى مەكەندەردەگى ۇيلەردە جالعا تۇرىپ جاتقاندار مەملەكەتتەن بەرىلەتىن بىرجولعى وتەماقىعا قول جەتكىزە المايدى. ەسەپشوتتارى بۇعاتتالعان تۇرعىندارعا بەرىلەتىن بىرجولعى وتەماقى بانكتەر تاراپىنان كرەديتتىك قارىزدى جابۋعا ۇستالىپ قالادى. سەنات دەپۋتاتتارىمەن كەزدەسۋلەردە ەۆاكۋاتسيا پۋنكتتەرىندەگى جەرگىلىكتى تۇرعىندار اتالعان ماڭىزدى ماسەلەلەردى كوتەردى جانە رەسپۋبليكالىق دەڭگەيدە وڭ شەشىم ىزدەستىرۋ بويىنشا كومەك كورسەتۋدى سۇرادى», دەدى سەناتور اسەم راحمەتوۆا.
دەپۋتات وسىعان بايلانىستى زالالدى وتەۋ قاعيدالارىنا وزگەرىس ەنگىزۋدى, اتاپ ايتقاندا, سۋ تاسقىنى كەزىندە تولىق قيراۋ نەمەسە جوعالتۋ سەبەبىنەن باعالاۋ جۇرگىزۋ مۇمكىن ەمەس تۇرعىن ءۇي ءۇشىن زالالدى وتەۋ تەتىگىن ازىرلەۋدى, سونداي-اق تۇرعىن ۇيدەن بولەك, قۇرىلىستارعا جانە م ۇلىككە كەلگەن زالالداردى, ونىڭ ىشىندە سۋ تاسقىنى كەزەڭىندە جوعالعان زالالدى وتەۋدى ەنگىزۋدى ۇسىندى.
«ساياجاي ۋچاسكەلەرىندە تىركەلگەن جانە تۇراتىن ازاماتتارعا كەلگەن زالالدى وتەۋ تەتىگىن قاراستىرۋدى, توتەنشە جاعداي سالدارىنان زارداپ شەككەندەرگە كەلگەن زالالدى وتەۋگە قۇجاتتاردى بەرۋ مەرزىمىن 30-دان 60 كۇنگە دەيىن قايتا قاراۋدى, جەكە نە بولماسا مەملەكەتتىك تۇرعىن ءۇي قورىنان جالعا بەرىلەتىن ۇيلەردە تۇراتىن ازاماتتاردىڭ مۇلكىنە كەلگەن زالالدى وتەۋ ءتارتىبىن ايقىنداۋدى ۇسىنامىن. سونداي-اق توتەنشە جاعداي كەزىندە شوتتارى بۇعاتتالعان تۇرعىندار ءۇشىن ارنايى شوتتار اشۋ كوزدەلسىن», دەپ اسەم راحمەتوۆا دەپۋتاتتىق ساۋالىن تۇيىندەدى.
