«وتباسى بانكى» اق باسقارما توراعاسى ءلاززات يبراگيموۆا وتكەن جىلدىڭ قاراشا ايىندا 299 579 دەپوزيت اشىلعانىن, ءتىپتى 1 جاسقا تولماعان بالالارعا دا 12 721 دەپوزيت اشىلعانىن ايتقان. ال 5 جاسقا دەيىنگى بالالاردا 50 140 دەپوزيت بار. مىسالى, بانكتىڭ شىمكەنتتەگى فيلالىندا 1 جاسقا تولماعان بالالارعا – 679, الماتىدا – 642 دەپوزيت اشىلعان.
«بىزدە ۆيدەوبانكينگ سىندى قۇرال بار. ۇيدەن شىقپاي-اق ونىڭ كومەگىمەن دەپوزيت اشا الاسىز. وسىنداي جاس سالىمشى اتا-انالار قازاقستاننىڭ تسيفرلاندىرۋداعى جەتىستىكتەرىن قولدانىپ, 7 232 دەپوزيت اشتى. قازىرگى ۋاقىتتا دەپوزيت اشۋدا ۆيدەوبانكينگ ارقىلى تسيفرلىق فورماتقا دەن قويىپ جاتىر», دەدى ءلاززات يبراگيموۆا.
بالاسى مەملەكەتتىك گرانتقا وقۋعا تۇسە الماي قالعان جاعدايدا, كوپتەگەن اتا-انا ونى جوو-دا نەمەسە كوللەدجدە وقىتۋ ءۇشىن قاراجات تاپپاي قينالىپ جاتادى. كوپ جاعدايدا بىرەۋدەن قارىز سۇراپ, بولماسا بانكتەن پايىزى جوعارى نەسيە رەسىمدەۋگە ءماجبۇر بولادى. ەكىنشى دەڭگەيلى بانكتەر بالالاردىڭ قامسىزداندىرۋ ماقساتىندا ارنايى دەپوزيتتى اينالىمعا شىعارا باستادى.
ءبىزدىڭ بۇگىنگى كەيىپكەرىمىز ءبىر وتباسىنىڭ 8 بالاسىنا وتباسى بانكتەن «AQYL» دەپوزيتىن اشقان تاراز قالاسىنىڭ تۇرعىنى - ايكەن ەسىموۆا. بۇل كورسەتكىش, ازىرگە, ەل كولەمىندە العاش تىركەلىپ وتىر.
ا.ەسىموۆا بىزبەن اڭگىمەسىندە 4 بالا ءوزىنىڭ, قالعانى باۋىرلارىنىڭ بالالارى ەكەنىن ايتتى. بۇل شەشىم وتباسىلىق كەڭەستە تالقىلانىپ, شەشىلگەن ماسەلە. سەبەبى بالا مەن اقشا تەورياسى – قوعامدا يگەرىلمەگەن كەڭىستىك. جەكە بانك شوتىندا قارجى جينالىپ جاتقانىن ءبىلىپ وسكەن بالانىڭ ونى ءتيىمدى باسقارۋ تۋرالى پايىمى دا وزىمەن بىرگە وزگەرەدى, جەتىلەدى.
«جاقىندا 6 جاستاعى بالاسىنىڭ اتىنا 10 ملن تەڭگە جيعان اتا-انانىڭ تاجىريبەسى تۋرالى قىزىقتى اقپارات وقىدىم. مەن ءبىزدىڭ بانككە كەلىپ دەپوزيت جيناپ جۇرگەن ءبىر وتباسىنى بىلەمىن. مەنىڭشە, بۇل جاقسى ءۇردىس ءارى ۇلگى بولۋى ءتيىس. بالا مەكتەپتى نەمەسە جوو-نى بىتىرگەن كەزدە ونىڭ اتىندا جەكە پاتەر بولادى», دەيدى ا. ەسىموۆا.
اقش-تاعى اۆتوكولىكتەردى جالعا بەرەتىن «Rent-A-Car» كومپانياسىنىڭ نەگىزىن قالاعان تەيلور بايرون تروت اقش تاريحىندا اۋقاتتى وتباسىلاردىڭ بالالارىنىڭ بۋحگالتەرياسىن ۇيلەستىرۋدى عىلىمي نەگىزدەپ بەردى. كەيىن ول مۇنى كاسىپكە اينالدىرىپ, بىرنەشە شتاتتاردان ەنشىلەس كومپانيالارىن اشىپ, بالالاردىڭ قالتا شىعىنى تۋرالى كىتاپ جازعان.
تروت اتا-انالاردىڭ باستى كەمشىلىگى رەتىندە بالالارىمەن تابىسى تۋرالى اشىق اڭگىمەلەسپەيتىنىن اتادى. ونىڭ پايىمداۋىنشا, «بالاعا اقشا ساناۋدى ءومىردىڭ ءوزى ۇيرەتەدى» دەگەن پىكىر دۇرىس ەمەس. بىرەۋگە سەنىپ, بىرەۋگە ارقا سۇيەپ قالعان ادام ەشقاشان دامىمايدى. سوندىقتان, بالا جاستان قارجىلىق ساۋاتىن قالىپتاستىرۋىمىز كەرەك. ەكى اراداعى بايلانىستىڭ ەرتە باستالعانى ەكى جاققا دا ءتيىمدى ەكەن.
«جولداسىممەن اقىلداسىپ, وتباسىلىق بيۋدجەتتەن ارتىلعان ازىن-اۋلاق قارجىنى ءتورت بالاعا ءبولىپ, دەپوزيت اشۋعا شەشىم قابىلدادىق. ونىڭ ايتۋىنشا, «بالانى تابىسىڭىزعا تاۋەلدى ەتكىڭىز كەلمەسە, اقشانى قالاي جۇمساۋدى كىشكەنتايىنان ۇيرەتىڭىز», دەگەندى بالا جاستان ەستىپ وستىك. سەبەبى بالانىڭ اقشاعا قىزىعۋشىلىعى عانا ەمەس, ساتىپ الۋعا بولاتىن, بولمايتىن زاتتارعا كوزقاراسى دا وسى جاستان جەتىلەدى ەكەن. «وتباسى بانكتىڭ» شارتتارى كوڭىلىمىزدەن شىقتى. بانك مەنەدجەرى اقبوتا بۇركىتباەۆامەن اقىلداسقاننان كەيىن كوڭىلدە كۇمان قالمادى. ۋاقىت وتە كەلە, قارجىنى كوبىرەك سالامىز دەپ ۇمىتتەنەمىن. بۇل قارجىنىڭ كۇنى ەرتەڭ بالالارىمىزدىڭ ءبىر قاجەتتىلىگىن وتەيتىنىنە سەنەمىن. ەڭ باستىسى بالالار وزدەرىنىڭ اتىنا دەپوزيت اشىلعانىن بىلەدى», دەيدى ايكەن ەسىموۆا.
ا.ەسىموۆا بىزبەن اڭگىمەسىندە ءبىزدىڭ ەلدە ءمينيستردىڭ بالاسىنىڭ حولدينگتى باسقاراتىنى, اكىمنىڭ بالاسىنىڭ پرەزيدەنت اپپاراتىندا وتىراتىنى قالىپتى قۇبىلىسقا اينالعانىن ايتتى. اقشا ساناۋ نەمەسە ونى ۇنەمدەۋ, اقشانى اقشاعا جۇمىس ىستەتۋدى وتباسىندا بىلمەي, كورمەي وسكەن بالانىڭ قارجىنى ۇيلەستىرىپ وتىرۋى قيىن. ءبىزدىڭ ەلدە دە بالانىڭ قارجىلىق ساۋاتتىلىعى, اقشا ۇستاي ءبىلۋى تۋرالى ماسەلە تەرەڭ زەرتتەلۋى كەرەك. وعان جاڭا كوزقاراس كەرەك.
«بالالارىم ءالى كىشكەنتاي دەمەيمىن. بانكتىك شوتتاعى قارجىسىنىڭ پايىزدىق مولشەرى, باسقاشا ايتقاندا اقشاسىنىڭ قانشا اقشا تاۋىپ وتىرعانىن ايتىپ بەرەمىن. بالانىڭ قارجىلىق ساۋاتتىلىققا جەتەلەيتىن اڭگىمە وسىنداي ناقتى ارەكەتتەردەن باستالۋى ءتيىس. بۇرىن اقشامنىڭ ۇستىندەگى تابىستى وزىمە بەر دەيتىن بالام سوڭعى كەزدەرى «جينالىپ تۇرا بەرسىن» دەگەندى ايتاتىن بولدى», دەيدى ا. ەسىموۆا.
بانك قىزمەتكەرى اقبوتا بۇركىتباەۆانىڭ ايتۋىنشا, قازىر بالالارىنىڭ اتىنا دەپوزيت اشۋ بانك سەگمەنتىندە ەندى قالىپتاسىپ كەلە جاتقان ءۇردىس. «كامەلەتتىك جاسقا جەتكەنشە جيعان قارجى ينفلياتسياعا جۇتىلىپ كەتەدى» دەگەن كۇدىك سەيىلگەن. سالىمشىلار دەپوزيتتىڭ پايىزى جىلدىق ينفلياتسيا دەڭگەيىنەن جوعارى تۇراتىنىن جاقسى بىلەدى.
سونداي-اق ول بىزبەن اڭگىمەسىندە «AQYL» ءبىلىم بەرۋ جيناقتاۋ دەپوزيتى كەمىندە 3 جىل نەمەسە 5 جىل مەرزىمگە اشىلۋى مۇمكىن ەكەنىن ايتىپ بەردى. ەگەر دەپوزيت كەمىندە ءۇش جىل مەرزىمگە اشىلعان بولسا, وندا دەپوزيت مولشەرلەمەسى جىلدىق 12% قۇرايدى (GESV 13.1% دەيىن). ەگەر دەپوزيت 5 جىلدان كەم ەمەس مەرزىمگە اشىلعان بولسا, وندا دەپوزيت مولشەرلەمەسى 9.5% قۇرايدى (GESV 10.1% دەيىن). بانكتىڭ ەسەپتەلگەن سىياقىسى اي سايىن كاپيتالداندىرىلادى. سالىم مەرزىمى اياقتالعاننان كەيىن ول اۆتوماتتى تۇردە جاڭارتىلادى. ەگەر بالا گرانت السا, وندا «AQYL» دەپوزيتىندەگى جيناق اقشا كەيىننەن الىنىپ, كەز كەلگەن ماقساتقا, سونىڭ ىشىندە تۇرعىن ءۇي ساتىپ الۋعا جۇمسالۋى مۇمكىن.
سونداي-اق بالالاردىڭ ءبىلىم الۋى ءۇشىن مەملەكەت جىل سايىنعى سىيلىقاقى تاعايىنداۋ ارقىلى ۇنەمدەۋگە كومەكتەسەدى. سالىمشىلاردىڭ بارلىق ساناتتارى ءۇشىن ول 5%-دى قۇرايدى. ال جەتىم بالالارعا, اتا-اناسىنىڭ قامقورلىعىنسىز قالعان بالالارعا, مۇگەدەك بالالارعا, كوپ بالالى جانە جان باسىنا شاققانداعى ورتاشا تابىسى ازىق-ت ۇلىك سەبەتىنەن تومەن وتباسىلاردان شىققان بالالار ءۇشىن اشىلعان دەپوزيتتەر بويىنشا 7 پايىز كولەمىندە مەملەكەتتىك سىيلىقاقى الىنادى. مەملەكەتتىك سىيلىقاقى 1 جىل ەڭ از جيناقتاۋ مەرزىمىمەن ەسەپتەلەدى, ياعني مەملەكەت سىيلىقاقىسى ەسەپتەلۋى ءۇشىن سالىمنىڭ دەپوزيتتەگى مەرزىمى ءبىر جىل بولۋى كەرەك.
دەپوزيت اشۋ كەزىندە مىندەتتى باستاپقى جارنا مولشەرى 3 اەك نەمەسە 11 076 تەڭگەنى قۇرايدى (2024 ج.). بولاشاقتا اي سايىنعى سالىمدى تولىقتىرۋ سوماسىن سالىمشى دەربەس انىقتايدى.
انىقتاما ءۇشىن: «AQYL» دەپوزيتىنىڭ ماقساتى – بالالارىڭىزعا دا, وزىڭىزگە دە وقۋعا قاراجات جيناۋ. ونىڭ كومەگىمەن وتاندىق نەمەسە شەتەلدىك ءبىلىم بەرۋ ۇيىمدارىندا وقۋ اقىسىن تولەۋگە بولادى.
«AQYL» دەپوزيتىن Baspana market پورتالىندا (otbasybank.kz), بانك بولىمشەلەرىندە, كەڭەسشىلەردىڭ كومەگىمەن نەمەسە بانكتىڭ hcsbk.kz سايتىنا كىرىپ, بەينەقوڭىراۋ ارقىلى اشۋعا بولادى. مەملەكەتتىك ءبىلىم بەرۋ جيناقتاۋ جۇيەسى (مبجج) – قازاقستان رەسپۋبليكاسىنىڭ كەز كەلگەن ازاماتى ءۇشىن ءوزىنىڭ نەمەسە بالاسىنىڭ اتىنا ءبىلىم بەرۋ جيناقتاۋ سالىمىن اشىپ, ونى بولاشاقتا قازاقستاندا جانە شەتەلدە كاسىپتىك تەحنيكالىق جانە جوعارى ءبىلىم الۋ ءۇشىن وقۋدىڭ اقىسىن تولەۋگە قولايلى مۇمكىندىك.
AQYL ءبىلىم بەرۋ دەپوزيتىن اشۋ ءۇشىن ەكى-اق قۇجات قاجەت:
سونداي-اق «AQYL» دەپوزيتى 2024 جىلدىڭ 6 اقپانىنان باستاپ Otbasy Bank-ءتىڭ جاڭا ءموبيلدى قوسىمشاسىندا قولجەتىمدى بولادى. ول ءۇشىن App store/Play market دۇكەنىنەن «Otbasy bank lite» ءموبيلدى قوسىمشاسىن جۇكتەپ الۋ قاجەت.
سالىمشىنىڭ ءبىر بەلسەندى ءبىلىم بەرۋ دەپوزيتىنەن ارتىق بولماۋى مۇمكىن. «AQYL» ءبىلىم بەرۋ جيناقتاۋ سالىمى مەملەكەت پەن ءۇشىنشى تۇلعالار تاراپىنان ءوسىمپۇلداردان قورعالعان, سونىمەن قاتار ول قازاقستاننىڭ دەپوزيتتەرگە كەپىلدىك بەرۋ قورىمەن ساقتاندىرىلعان. گرانت العاننان كەيىن جيناق سالىمى جابىلىپ, بارلىق جيناق سوماسى, ونىڭ ىشىندە مەملەكەت سىيلىقاقىسى الىنۋى مۇمكىن. سونداي-اق ۇلتتىق قوردان الىنعان جيناق اقشامەن «وتباسى بانكىندەگى» «AQYL» دەپوزيتىن تولتىرۋعا بولادى. بيىل 18 جاسقا تولعان قازاقستان ازاماتتارى بۇل تولەمدەردى باسقارا الادى. اتالعان AQYL ءبىلىم بەرۋ دەپوزيتىنە بانكتەن پايىزدار (بانككە بايلانىستى) جانە 5% نەمەسە 7% مەملەكەتتەن جىل سايىن سىيلىقاقى ەسەپتەلەدى.
مەملەكەت سىيلىقاقىسى جىل سايىن بانكتىڭ سىياقىلارىمەن بىرگە ەسەپتەگەندەگى سالىمداعى جالپى سوماعا, بىراق ءبىر جىلدا 100 اەك-تەن اسپايتىن مولشەردە اۋدارىلادى:
- 7% باسىمدىلىقتى ساناتتاعىلار ءۇشىن: جەتىم بالالار, اتا-اناسىنىڭ قامقورلىعىنسىز قالعان بالالار, مۇگەدەكتەر, كوپ بالالى وتباسىنان شىققان جانە از قامسىزداندىرىلعان وتباسىلاردان شىققان بالالار;
- 5% باسقا ساناتتاعى قر ازاماتتارى ءۇشىن.
مينيمالدى باستاپقى جارنا - 3 اەك.
جيناقتاۋ مەرزىمى - 3 جىلدان 20 جىلعا دەيىن.
مۇنى «بالالارعا ارنالعان ۇلتتىق قور» جوباسى اياسىندا enpf-otbasy.kz پلاتفورماسىندا جاساۋعا بولادى.
الماتى
