«قازاقستان تەمىرجولدارىنىڭ تاريحى» اتتى ەلەكترلى كارتادا توڭكەرىسكە دەيىنگى كەزەڭنەن باستاپ قازىرگى ۋاقىتقا دەيىنگى تەمىرجولدىڭ قالاي سالىنعانى كورىنىس تاپقان. زالدىڭ قاق ورتاسىندا «دوستىق», «الاشانكوۋ» حالىقارالىق جەلىسىنە, تۇرار رىسقۇلوۆ پەن مۇحامەتجان تىنىشباەۆقا ارنالعان ءتورت تۋرنيكەت ورنالاسقان. بۇدان بولەك, ەكسپوزيتسيادان ەل اۋماعىنداعى تەمىرجول بەكەتتەرىنىڭ اشىلۋ بارىسىنان حابار بەرەتىن شوي-شەگە, كىلت, بالعا, رەلستىك قوسىلىس سياقتى بۇيىمداردىڭ سانداعان ءتۇرىن كەزدەستىرۋگە بولادى.
«جىبەك جولى» زالىنىڭ قابىرعاسىندا ەلىمىزدىڭ قالىپتاسۋىنىڭ ولكەتانۋ كورىنىسى, تەمىرجول كولىگىنىڭ پايدا بولۋى, ەجەلگى جىبەك جولى تاريحى كەزەڭ-كەزەڭىمەن كورىنىس تاپقان. كۇمىستەن كۇپتەلگەن زەرگەرلىك بۇيىمدار, تۇرمىستىق قۇرال-جابدىقتاردىڭ جابىندىقتارى, سيرەك كەزدەسەتىن فوتوسۋرەتتەر سالا تاريحىن تەرەڭنەن تانۋعا شاقىرادى.
– مۋزەي العاش ەسىك اشقان كۇننەن باستاپ 50 مىڭنان استام ازامات مۇندا باس سۇعىپ, ماڭىزدى جادىگەرلەرمەن تانىستى. مۋزەيگە تەك قالا تۇرعىندارى, ستۋدەنتتەر مەن وقۋشىلار عانا ەمەس, شەتەلدىك تۋريستەر دە كوپ كەلەدى. سەبەبى تەمىرجول تاريحى وتكەن كۇندەردىڭ تالاي كەزەڭدەرىمەن ءوزارا ساباقتاسىپ جاتىر. ەلىمىزدىڭ تەمىرجول كولىگىنىڭ ءرولىن ناسيحاتتاۋدىڭ بىرەگەي ورتالىعى سانالاتىن ءبىزدىڭ مۋزەي تاريحقا قىزىعۋشىلىق تانىتاتىن كەلۋشىلەرىن قۋانا قارسى الادى, – دەيدى مۋزەي ماماندارى.
ەلىمىزدە شويىنجول بارلىق جۇك تاسىمالى اينالىمىنىڭ 70 پايىزىن, ال جولاۋشى تاسىمالىنىڭ 34 پايىزىن قامتىپ وتىر. كورشىلەس مەملەكەتتەرمەن بارلىعى 16 تەمىرجول تورابى بايلانىستىراتىن قازاقستان تەمىرجولىنىڭ جالپى ۇزىندىعى 15 مىڭ شاقىرىمنان اسادى.
الماتى
