ال مۇعالىمدەر قىزدى اتا-اناسىنىڭ رۇقساتىنسىز جاساندى تۇسىك جاساتۋ ءۇشىن جەكە ەمحاناعا جىبەرگەن.
پروكۋرور موروزدى 20 جىلعا باس بوستاندىعىنان ايىرۋدى سۇرادى. سوتتالۋشى ءوز كىناسىن مويىندامادى.
- ول ءومىر بويىنا پەداگوگيكالىق قىزمەتپەن اينالىسۋ قۇقىعىنان ايىرۋمەن 20 جىلعا باس بوستاندىعىنان ايىرىلدى. سوتتالۋشىدان جابىرلەنۋشىنىڭ پايداسىنا مورالدىق شىعىن رەتىندە ءۇش ميلليون تەڭگە ءوندىرىلدى, - دەپ مالىمدەدى جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى.
ەر ادام مەن وقۋشى قىزدىڭ ينتيمدىك كەزدەسۋلەرى كەمىندە ءۇش رەت بولعان. ول 2022 جىلدىڭ ماۋسىم ايىندا جۇكتى بولدى. مۇنى جاڭاتاس قالاسىندا جاسالعان ۋدز راستادى.
قىز قاراشا ايىندا تۇسىك جاساتقان. وتا جاساعان دارىگەردىڭ بەتىن كورمەگەن.
