جەتىسۋ وبلىسىنىڭ پوليتسيا دەپارتامەنتى مەن ۇلتتىق قاۋىپسىزدىك كوميتەتىنىڭ وبلىستىق دەپارتامەنتى پروكۋراتۋرا قىزمەتكەرلەرىمەن بىرلەسىپ, ەسىرتكى زەرتحاناسىن جويۋ بويىنشا ارنايى وپەراتسيا جۇرگىزدى.
«جەدەل ىزدەستىرۋ شارالارى بارىسىندا الماتى وبلىسىنىڭ ىلە اۋدانىنداعى ساياجايدا سينتەتيكالىق ەسىرتكى زاتتارىن وندىرۋمەن اينالىسقان 22 جاستاعى قىزدىڭ جەكە باسى انىقتالدى», دەدى وبلىستىق پوليتسيا دەپارتامەنتىنىڭ باسشىسى سارقىتباي قۇسايىنوۆ.
ساياجايدى ءتىنتۋ كەزىندە 44 كەلىگە جۋىق مەفەدرون مەن 2 كەلىگە جۋىق سينتەتيكالىق پيرروليدينوۆالەروفەنون – @PVP زاتى, رەاگەنتتەر مەن ەسىرتكى وندىرۋگە قاجەتتى زاتتار, سونداي-اق 28 مىڭ دوللار كولەمىندەگى قولما-قول اقشا تابىلىپ, تاركىلەندى.
پوليتسيانىڭ مالىمەتىنشە, اتالعان زەرتحانادا وندىرىلگەن ەسىرتكى زاتتارى قازاقستان اۋماعىندا Telegram مەسسەندجەرى ارقىلى ساتىلعان.
اتالعان فاكتى بويىنشا قىلمىستىق ءىس قوزعالدى, تەرگەۋ امالدارى جالعاسىپ جاتىر.
