ءتىلسىز جاۋدىڭ سالدارىنان شاپا شەككەن حالىققا العاشقىلاردىڭ ءبىرى رەتىندە «قازاقستان حالقىنا» قورى 10 ملرد تەڭگە شاماسىندا قاراجات ءبولدى. وسىعان دەيىن دە 200 باسپانا سالۋ ءۇشىن 5 ملرد تەڭگە اۋدارعان. ءارتۇرلى كومپانيالاردان 970 ملن تەڭگە جينالىپتى.
قازاقستان مۇسىلماندارى ءدىني باسقارماسىنان سۋ تاسقىنىنان زارداپ شەككەن وڭىرلەرگە 100 توننادان استام گۋمانيتارلىق كومەك, 300 وتباسىعا ارنايى الەۋمەتتىك ماڭىزى بار ازىق-ت ۇلىك سەبەتتەرى جىبەرىلدى. تاسقىننان زارداپ شەككەن وڭىرلەرگە قاجەتتى زاتتاردى ساتىپ الۋ ءۇشىن وبلىستاردان قوسىمشا 23 ملن تەڭگە قارجىلاي كومەك كورسەتىلىپ جاتىر.
«سامۇرىق-قازىنا» اق قاراستى كورپوراتيۆتىك ورتالىق, «قازمۇنايگاز», «قازاتومونەركاسىپ», «قازاقستان تەمىر جولى», «كەگوك», «QazaqGaz», «قازاقتەلەكوم», «ەير استانا» جانە «سامۇرىق-ەنەرگو» كومپانيالارى بىرلەسە 15 ملرد تەڭگە شاماسىندا ماتەريالدىق كومەك كورسەتكەن.
بۇگىندەرى «QazaqGaz» اق ماماندارى توتەنشە جاعداي كەزىندە حالىقتى تابيعي گازبەن ۇزدىكسىز ءارى قاۋىپسىز قامتاماسىز ەتىپ وتىر. اتالعان كومپانيا «سامۇرىق-قازىنا» قورىنىڭ پورتفەلدىك كومپانياسى رەتىندە سۋدان زارداپ شەككەندەرگە 1 ملرد تەڭگە قاراجات بولگەن. قازىر وڭىرلەردە اپاتتىق-قۇتقارۋ جانە سۋ تاسقىنىنا قارسى جۇمىستارعا مىڭعا تارتا قىزمەتكەر مەن 200-دەن اسا تەحنيكا جۇمىلدىرىلىپ وتىر. قاشاعانداعى گاز وندەۋ زاۋىتتارىنىڭ قۇرىلىسىنا تارتىلعان 100 تەحنيكا تاسقىن سۋمەن كۇرەس جۇمىسىنا دا جۇمىلدىرىلعان. سۋ باسقان ايماقتاردا ەرىكتىلەر جاساقتارى قۇرىلىپ, كومپانيانىڭ كەيبىر جۇمىسشىلارى ءوز ەرىكتەرىمەن ازىق-ت ۇلىك ساتىپ الۋعا باستاما كوتەرىپ, ىستىق تاماق تاراتىپ جاتىر.
تاياۋدا ساۋدا جانە ينتەگراتسيا مينيسترلىگى رەسپۋبليكالىق ماڭىزى بار 20-دان استام ساۋدا جەلىسى قاتىسۋىمەن كەزدەسۋ وتكىزدى. وندا اتىراۋ, اقمولا, باتىس قازاقستان جانە سولتۇستىك قازاقستان وبلىستارىنداعى كۇردەلى جاعدايعا بايلانىستى سيم باسشىسى ءىرى ريتەيل-كومپانيالارىن ازىق-ت ۇلىك قورىنىڭ قولجەتىمدىلىگىنە كۇندەلىكتى مونيتورينگ جۇرگىزۋگە شاقىردى.
ء«تورت ايماققا كوبىرەك كوڭىل ءبولۋ قاجەت. وسى وڭىرلەردە ءبىرىنشى كەزەكتە ەڭ قاجەتتى نەگىزگى تاۋارلاردى جەتكىزۋدىڭ تۇراقتىلىعىن قامتاماسىز ەتىپ, باعانىڭ نەگىزسىز وسۋىنە جول بەرمەۋىمىز كەرەك. قويما قورلارىن جەدەل اۋىستىرۋ ءۇشىن جەرگىلىكتى اتقارۋشى ورگاندارمەن جانە ءبىزدىڭ اۋماقتىق بولىمشەلەرمەن ءىس-قيمىل الگوريتمى بار. ازىق-ت ۇلىكپەن قامتاماسىز ەتۋ تۋرالى بىزگە تەز ارادا حابارلاۋىڭىزدى سۇرايمىز», دەدى ارمان شاققاليەۆ.
ول سونداي-اق ۇكىمەت سۋ تاسقىنىنان زارداپ شەككەن ساۋدا نىساندارىنا كەلتىرىلگەن زياندى وتەۋ مەحانيزمى پىسىقتالىپ جاتقاندىعىن اتاپ ءوتتى.
