قازاقستان ارمەنيامەن ەكونوميكالىق بايلانىستاردى دامىتۋعا باسىمدىق بەرەدى

قر پرەزيدەنتىنە «ارميان-قازاق ىنتىماقتاستىعىنىڭ بولاشاعىن قالاي كورەسىز؟ ءسىز ءوزارا ءىس-قيمىلدىڭ قانداي باسىم باعىتتارىن ءبولىپ كورسەتەر ەدىڭىز جانە ەكونوميكالىق ىنتىماقتاستىق تۋرالى نە ايتاسىز؟», دەگەن سۇرا قويىلدى. 

قاسىم-جومارت توقاەۆ ءارتۇرلى سالالارداعى ءوزارا ءىس-قيمىلدى ودان ءارى تەرەڭدەتۋ ءۇشىن ۇلكەن الەۋەت بار ەكەنىن اتاپ ءوتتى.

ارمەنيا رەسپۋبليكاسىنىڭ الەۋمەتتىك-ەكونوميكالىق جەتىستىكتەرى ءبىزدى قۋانتادى. ءسىزدىڭ ەلىڭىز ەاەو ەلدەرى اراسىندا دامۋدىڭ جوعارى قارقىنىن قامتاماسىز ەتە وتىرىپ, ەكونوميكانىڭ بارلىق نەگىزگى سەكتورلارى بويىنشا كورنەكى ناتيجەلەرگە قول جەتكىزۋدە. بۇعان دالەل-بىلتىرعى جىلى ارمەنيانىڭ ءجىو-ءنىڭ ينفلياتسيانىڭ ەڭ تومەنگى دەڭگەيىمەن 8,7% - عا ءوسۋى, دەدى قر پرەزيدەنتى. 

وسىعان بايلانىستى قازاقستان ەكونوميكالىق بايلانىستاردى ودان ءارى جان-جاقتى دامىتۋعا باسىمدىق بەرەتىنىن اتاپ ءوتتى. 

بۇگىنگى تاڭدا ءبىزدىڭ ەلىمىز ەكسپورتتى ۇلعايتۋعا دايىن. جالپى سوماسى 350 ملن دوللارعا شيكىزاتتىق جانە دايىن اسسورتيمەنتتەگى تاۋارلاردىڭ 70 اتاۋى. بۇل مەتاللۋرگيا, مۇناي-حيميا, تاماق ونەركاسىبى, قۇرىلىس جانە اۋىلشارۋاشىلىق سالالارىنىڭ ونىمدەرى. 2011 جىلعا دەيىن بيداي ارمەنياعا قازاق ەكسپورتىنىڭ جەتەكشى باپتارىنىڭ ءبىرى بولعانىن ەسكەرسەك, ارمەنيانىڭ ءىرى ساۋدا جەلىلەرىنە بيداي مەن باسقا دا ازىق-ت ۇلىك ونىمدەرىن جەتكىزۋدى قايتا باستاۋ ماڭىزدى دەپ سانايمىن. مەنىڭ ويىمشا, ارميان سەرىكتەستەرىندە دە وسىنداي ۇسىنىستار بار.ونەركاسىپتىك كووپەراتسيا دا پەرسپەكتيۆالى بولىپ تابىلادى. ءبىز ءۇشىن ەلدەرىمىزدى بايلانىستىراتىن بىرلەسكەن جوبالار قۇرۋ ماڭىزدى, دەدى قاسىم-جومارت توقاەۆ.

مەملەكەت باسشىسىنىڭ ايتۋىنشا ەكى ەل اراسىنداعى ينۆەستيتسيالىق ىنتىماقتاستىق قارقىندى دامۋ مەن ىلگەرىلەۋدى قاجەت ەتەدى. بۇگىندە قازاقستاندا قولايلى ينۆەستيتسيالىق احۋال قالىپتاسقان. شەتەلدىك ينۆەستيتسيالاردى قولداۋ ءۇشىن بارلىق قاجەتتى قۇرالدار جاسالدى.

سونداي-اق تسيفرلاندىرۋ سالاسىندا ۇلكەن مۇمكىندىكتەردى اتاپ وتەمىز. قازاقستان ەۋرازيالىق كەڭىستىكتەگى ءىرى تسيفرلىق حابتاردىڭ بىرىنە اينالدىرۋ بويىنشا ماقساتتى ساياسات جۇرگىزۋدە. تەك سوڭعى 3 جىلدا ءبىزدىڭ it-قىزمەتتەرىمىزدىڭ ەكسپورتى 3 ەسەگە ءوسىپ, 500 ملن دوللارعا جەتتى. 2026 جىلعا قاراي ول كەم دەگەندە 1 ميلليارد دوللارعا جەتۋى كەرەك.ەكونوميكالىق ىنتىماقتاستىقتى تەرەڭدەتۋدىڭ ماڭىزدى فاكتورى - ءبىزدىڭ ەلدەرىمىز اراسىندا رەنتابەلدى جانە جىلدام جەرۇستى لوگيستيكاسىن قالىپتاستىرۋ. اۋە قاتىناسىن كەڭەيتۋ بيزنەس پەن ازاماتتارعا ۇتقىرلىق بەرەدى, تۋريستىك سالادا جاڭا مۇمكىندىكتەر اشادى.مەن اتاعان بارلىق سالالار ەكونوميكالىق ءوزارا ءىس-قيمىلدىڭ قۇرامداس بولىگى بولۋعا ءتيىس. جوعارى مۋلتيپليكاتيۆتى اسەرگە يە بولا وتىرىپ, ولار باسقا بايلانىستى سالالاردىڭ دامۋىنا ىقپال ەتەدى.ءسىزدىڭ سۇراعىڭىزعا تىكەلەي جاۋاپ بەرە وتىرىپ, ءبىزدىڭ قارىم-قاتىناسىمىزدىڭ بولاشاعىن قابىلدانعان ەكىجاقتى مىندەتتەمەلەردى مۇلتىكسىز ساقتاۋدا جانە شارتتىق-قۇقىقتىق بازانى كەڭەيتۋدە, حالىقتارىمىز اراسىنداعى دوستىق پەن ىنتىماقتاستىقتى نىعايتۋدا, ساۋدا-ەكونوميكالىق جانە مادەني-گۋمانيتارلىق سالالارداعى بايلانىستاردى تەرەڭدەتۋ دەپ كورەمىن, دەدى مەملەكەت باسشىسى.