فوتو: ەلەنا بەرەجنايا
وبلىستىق پد ءباسپاسوز قىزمەتى ۇسىنعان مالىمەتكە سايكەس, ەر ادامنىڭ جوعالعانى تۋرالى 102 ارناسىنا حابارلانعان.
«جىلىوي اۋدانى پوليتسيا بولىمىنە 49 جاستاعى ەر ادامنىڭ قاراعاي اۋىلىنان قۇلسارى قالاسىنا قايىقپەن شىعىپ, ءبىر كۇننەن بەرى حابار-وشارسىز كەتكەنى تۋرالى اقپارات تۇسكەن. پوليتسيا قىزمەتكەرلەرى جەدەل ىزدەستىرۋ ءىس-شاراسىن جۇرگىزۋ بارىسىندا اۋە درونىن پايدالاندى. بۇگىن, 11 ءساۋىر كۇنى ساعات 11:00 شاماسىندا قاراعاي ەلدى مەكەنىنەن 10 شاقىرىم قاشىقتىقتا سۋ تاسقىنىنان پايدا بولعان ارالدان 49 جاستاعى ەر ادام تابىلدى. قازىر ونىڭ جاعدايى بىرقالىپتى, تۋىسقاندارىمەن قاۋىشتى», دەپ حابارلادى دەپارتامەنتتىڭ ءباسپاسوز قىزمەتى.
