ول داعىستاننىڭ حاساۆيۋرت قالاسىنىڭ ماڭىنداعى اۋىلدا تۇرادى. اتىراۋ وبلىسىنا دەيىن 50 قاپ سالىنعان سومكەلەردى جەتكىزۋ ءۇشىن كولىكپەن 24 ساعات جول جۇرگەن.
«تۋىسقاندارىم الەۋمەتتىك جەلىدەن قازاقستاننىڭ رەسەيمەن شەكارالاس ايماقتارىندا تاسقىن سۋدان قورعايتىن بوگەتتى بەكىتۋ ءۇشىن قاپ جەتىسپەيدى دەگەن اقپاراتتى وقىپتى. ولار بۇل اقپاراتتى ماعان جەتكىزدى. سودان سوڭ باۋىرلاس ەلگە كومەك بەرۋ ءۇشىن تانىستارىمنان قاپ ىزدەي باستادىم. دوسىمنىڭ زات ساقتايتىن قويماسى بار ەدى. تۇنگى ساعات 02:00 شاماسىندا سول قويمادان جۇك تاسيتىن گازەل كولىگىمە 50 مىڭ قاپتى تيەپ, جولعا شىقتىم. اتىراۋعا تەزىرەك جەتۋ ءۇشىن تۇنىمەن جولدا ءجۇردىم», دەيدى وماراسحاب احمەدوۆ.
ونىڭ ايتۋىنشا, تۋعان جەرىندەگى تانىستارى مەن دوستارى تۋعان جەرىنە ورالۋىن اسىعا كۇتىپ وتىر. ەندى ولاردىڭ اتىراۋ وبلىسىنا جيناعان گۋمانيتارلىق كومەكتىڭ تاعى ءبىر پارتياسىن جەتكىزەدى.
«تۇراتىن ەلىمىز بولەك بولعانىمەن, قيىن كەزدە ءبىر-بىرىمىزگە قولداۋ كورسەتۋىمىز كەرەك. ماقساتىم – تۋىسقان حالىقتىڭ قيىندىقتان امان قالۋىنا ۇلەس قوسۋ», دەيدى وماراسحاب احمەدوۆ.
