فوتو: Polisia.kz
«ونىڭ مەسسەندجەرىنە قۇقىق قورعاۋ ورگاندارىنىڭ وكىلدەرى تاراپىنان بانك پەن ونىڭ قىزمەتكەرلەرىنە قاتىستى تەكسەرۋ جۇرگىزىلىپ جاتقانى تۋرالى جانە ول ولاردىڭ ناقتى نۇسقاۋلارىن ورىنداۋى كەرەك دەگەن حابارلامالار كەلە باستاعان. كەيىنىرەك ولار كيبەرشابۋىل بولعانىن جانە الاياقتىق ارەكەتتەردىڭ الدىن الۋ ءۇشىن بارلىق قولدانىستاعى شوتتان اقشانى الىپ, سودان كەيىن سەنىمدى ادامدارعا اۋدارۋ قاجەتتىگىن حابارلاعان. وسى نۇسقاۋلاردى ورىنداعان ايەل شوتىنان 4 ميلليون تەڭگە جانە 10 مىڭ دوللاردى شەشىپ العان. ول اقشانى كۋرەرگە بەرىپ جىبەرگەن», دەدى الماتى قالالىق پوليتسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
الاياقتارعا الدانعانىن ۇققان ايەل پوليتسيادان كومەك سۇراعان. كۋرەر دەرەۋ ۇستالدى. 19 جاستاعى ءجاسوسپىرىم اتالعان ارەكەتتىڭ قىلمىستىق سيپاتىن بىلەتىنىن مويىندادى, جۇمىس بەرۋشىلەر وعان جابىرلەنۋشىلەردەن العان سومادان 1 پايىز سىياقى بەرىپ وتىرعان.
«كۋرەر اقشانى اۋدارعان شوتتاردى انىقتادىق. ولاردىڭ ءىزى شەتەلدە تابىلدى. ايتپاقشى, قىلمىستىق جولمەن الىنعان قاراجاتتى اۋدارۋعا قاتىسقان ءۇش ادام ۇستالدى. كۇدىكتىلەر قاماۋعا الىندى», دەدى ق.ناۋاتوۆ.
قر قك-ءنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
