بۇگىن «اقجايىق» قورى حالىقتان جينالعان قارجىنىڭ ەسەبىن جاريالادى.
«2024 جىلعى 28 ناۋرىز – 8 ءساۋىر ارالىعىندا قور ەسەپ شوتىنا بيزنەس وكىلدەرىنەن 63 115 303,3, جەكە تۇلعالاردان 226 500, مەملەكەتتىك ورگاندار مەن ولارعا قاراستى ۇيىم قىزمەتكەرلەرىنىڭ ءبىر كۇندىك جالاقىسى ەسەبىنەن 12 171 777, مەملەكەتتىك ەمەس ۇيىمداردان 5 302 358,76 تەڭگە قاراجات ءتۇستى», دەلىنگەن قور تاراتقان ءباسپاسوز پاراعىندا.
قازىرگى تاڭدا «اقجايىق» قورىنىڭ ەسەپشوتىندا 80 815 939,1 قاراجات جينالدى. تاسقىن سالدارىنان زارداپ شەككەندەرگە قارجىلاي كومەك جيناۋ ءىسى جالعاسا بەرەدى.
باتىس قازاقستان وبلىستىق ازاماتتىق اليانس پرەزيدەنتى اسلان تاپيشەۆ سۋ تاسقىنىنان زارداپ شەككەن تۇرعىندارعا كەلىپ جاتقان گۋمانيتارلىق كومەك تۋرالى ايتىپ بەردى.
قازىر «بقو ازاماتتىق اليانس» باستاماسىمەن گۋمانيتارلىق كومەك جيناۋ شتابى اشىلعان.
ورتالىق ورال قالاسى اقپاراتتىق تەحنولوگيالار كوللەدجىندە - كاريمۋللين كوشەسى, 2/1ا مەكەنجايىندا (ومەگا زاۋىتى ايالداماسى) ورنالاسقان.
قازىرگى تاڭدا گۋمانيتارلىق كومەك توتەنشە جاعداي جاريالانعان ورال قالاسى, سىرىم, قازتالوۆ, قاراتوبە, تەرەكتى, ءبورلى اۋداندارىنا جەتكىزىلىپ جاتىر.
كومەك كورسەتۋ شتابى وبلىس بويىنشا قۇرىلعان 27 ەۆاكوبەكەتتىڭ قاجەتتەلىگىن ەسەپتەپ, ونداعى تۇرعىندارعا نە قاجەت ەكەنىن جىلدام انىقتاۋ ماقساتىندا ارنايى ينستاگرام پاراقشاسى مەن كولل-ورتالىق اشتى.
بۇگىنگە دەيىن بۇكىل ەلىمىزدەن قولداۋ-كومەك كەلىپ جاتىر. بۇل ىسكە جەرگىلىكتى كاسىپكەرلەر, ءىرى كومپانيالار, قالا تۇرعىندارى, پارتيا مۇشەلەرى, وبلىستىق ءماسليحات دەپۋتاتتارى, ەتنو-مادەني بىرلەستىكتەر, قوعامدىق ۇيىمدار, جاستار رەسۋرستىق ورتالىقتار وكىلدەرى اتسالىسىپ جاتىر.
سونىڭ ىشىندە «Sun City», «Petro-Unit» سياقتى ءىرى كومپانيالار, «Salut Orto KZ», «ينۆەستپرودجەكت» جشس-تەرى, «ورال ءسۇت زاۋىتى», «سۋلەيمەنوۆا» جك, «SBS Grup», «وتدەل ستروي» كومپانياسى, «ART STROY SERVİS 07», «Salut Orto KZ» جشسلار, «ەليون» ءتىس ەمحاناسى, «جەلاەۆنان», «Faberlic» كومپانياسى مەن جەرگىلىكتى كاسىپكەرلەر دە شەت قالىپ جاتقان جوق.
«Biz BIRGEMIZ» قايىرىمدىلىق قورى قايىق, ماتراس, موتوسورعى جانە ازىق-ت ۇلىك كومەگىن جىبەردى.
«ASAR UME» قايىرىمدىلىق قورىنىڭ كۇشىمەن قاراتوبە, ءبورلى, كازتالوۆ, سىرىم اۋداندارىنا موتورلى قايىق, رەزەڭكە ەتىك, موتوسورعى الىندى.
سونداي-اق اۋداندارداعى كاسىپكەرلەر, وبلىس ەرىكتىلەرى, سپورتشىلار, تاكسي جانە گازەل جۇرگىزۋشىلەرى كومەكتەسۋدە.
قاراتوبە اۋدانى كاسىپكەرلەرى, وبلىستىق «امانات» پارتياسى, قازاقستان حالقى اسسامبلەياسى وكىلدەرى, «قازاق انالارى – داستۇرگە جول» قب فيليالى, «تاريحي شەجىرە» رەسپۋبليكالىق ۇيىمى جانە ت.ب. قالىس قالمادى.
جالپى, سۋ تاسقىنى باستالعان ساتتەن باستاپ زارداپ شەككەن حالىققا 256 توننا گۋمانيتارلىق كومەك كورسەتىلگەن. ونىڭ 230 تونناسى - ازىق-ت ۇلىك, 22 تونناسى - باسقا دا قاجەتتى تاۋارلار جانە 4 تونناسى - ءدارى-دارمەك.
توتەنشە جاعداي دەپارتامەنتى مەن بقو قوعامدىق دامۋ باسقارماسى حالىقتى رەسمي اقپاراتپەن قامتۋ ماقساتىندا ارنايى اقپاراتتىق شتاب قۇردى.
سۋ تاسقىنىنان زارداپ شەككەندەرگە گۋمانيتارلىق كومەك كورسەتۋ جانە ءتۇرلى قورلارعا تۇسكەن قارجىنى ءبولۋ جونىندەگى كوميسسيا قۇرىلدى. كوميسسيا قۇرامىندا قوعامدىق كەڭەستەردىڭ وكىلدەرى, وبلىستىق ءماسليحات دەپۋتاتتارى, ساياسي پارتيالاردىڭ كوشباسشىلارى, ۇكىمەتتىك ەمەس ۇيىمداردىڭ, ەتنومادەني ورتالىقتاردىڭ, ۋاكىلەتتى مەملەكەتتىك ورگانداردىڭ جانە ت.ب. وكىلدەرى بار.
قازىرگى تاڭدا سۋ تاسقىنىنان زارداپ شەككەندەرگە 2 500-دەن استام ەرىكتى بەلسەندى كومەك كورسەتىپ جاتىر.
