فوتو: azh.kz
وبلىس اكىمىنىڭ ايتۋىنشا, يندەر, ماحامبەت اۋداندارى مەن اتىراۋ قالاسى تاسقىن سۋ باسۋ قاۋپى بار ايماققا جاتادى.
«قازىر الدىمەن ناقتى مىنا اۋىلدى سۋ باسادى دەپ ايتا المايمىز. سۋ مۇلدەم كۇتپەگەن جاقتان كەلۋى مۇمكىن. قازىر يندەر, ماحامبەت اۋداندارى مەن اتىراۋ قالاسى سۋ باسۋ قاۋپى بار ايماقتارعا جاتادى. 1994 جىلعى دەرەكتەرگە سۇيەنەتىن بولساق, تاسقىن سۋ اتىراۋ قالاسىنا بەسىكتى جانە دامبى اۋىلدارى ارقىلى كىرۋى مۇمكىن», دەدى سەرىك شاپكەنوۆ.
اكىمنىڭ دەرەگىنە سۇيەنسەك, جايىق وزەنىندە گەودەزيالىق زەرتتەۋلەر جۇرگىزىلىپ جاتىر. ماماندار قاۋىپتى ۋچاسكەلەردى انىقتايدى. سول ۋچاسكەلەردى بويلاي جاعالاۋدى بەكىتۋ جۇمىستارىن جۇرگىزىلىپ, بوگەت سالىنادى.
«تاسقىن سۋدىڭ قاۋپىن دۇرىس باعالاۋ كەرەك. سۋدىڭ جولىن بوگەۋدەن ەشقانداي پايدا جوق. سول سەبەپتەن, تاسقىن سۋدى كاسپي تەڭىزىنە قۇياتىنداي بۇرۋىمىز قاجەت», دەپ ءمالىم ەتتى سەرىك شاپكەنوۆ.
