فوتو: Tobolinfo
پەتروپاۆل قالاسىنىڭ اكىمى سەرىك مۇحامەديەۆ وبلىستاعى سۋ تاسقىنى سالدارىنا بايلانىستى جاعدايدىڭ ءالى دە كۇردەلى ەكەنىن ايتتى. سەرگەەۆ سۋ قويماسىنىڭ تاسۋى 415 سم قۇرايدى, بۇل كورسەتكىش 2017 جىلعى دەڭگەيدەن اسىپ ءتۇستى. قالانىڭ زارەچنىي, كوجەۆەننىي, تەپليچنوە, پودگورا اۋداندارىندا 2000-نان استام ادام مەن 29 ساياجاي ەلدى مەكەندەرىن سۋ باسۋ قاۋپى جوعارى.
«اتالعان ماڭايلاردىڭ تۇرعىندارى باعالى زاتتار مەن جانۋارلاردى تاسىمالداۋى كەرەك. مۇقتاج جاندارعا كومەك كورسەتىلەدى. قۇرمەتتى قالا تۇرعىندارى, سىزدەردىڭ م ۇلىكتەرىڭىزدى تاسىمالداۋعا ەشكىم كەدەرگى كەلتىرمەيدى. ۋاقىت جوق, سۋدىڭ كەلۋىن كۇتپەۋىمىز كەرەك. بارلىق شارالاردى قازىر قابىلداڭىزدار», دەدى قالا اكىمى.
اكىم قالالىق سۋ ارناسىنا قاۋىپ ءتونىپ تۇرعانىن ايتىپ, جەرگىلىكتى تۇرعىنداردى كومەككە شاقىردى.
«ادامدار مەن تەحنيكا تاۋلىك بويى جۇمىس ىستەپ جاتىر. سوندىقتان سىزدەردىڭ كومەكتەرىڭىز قاجەت. زارەچنىي, كوجەۆەننىي, ۋششەۆا اۋىلدارىنداعى بوگەتتەردى نىعايتۋ جۇمىستارىنا ەرىكتى ازاماتتاردى شاقىرعىم كەلەدى. سونداي-اق پودگورا وبلىسىنىڭ قامقور تۇرعىندارىنا العىسىمدى بىلدىرەمىن. ولار كەشەدەن بەرى اينالما جولداعى قورشاۋدى نىعايتىپ جاتىر. قۇرمەتتى تۇرعىندار, سابىر ساقتاڭىزدار. ساراپشىلاردىڭ ۇسىنىستارىن ورىنداڭىزدار. بىردە-ءبىر تۇرعىن مەن ونىڭ مۇلكى نازاردان تىس قالمايدى», دەدى س.مۇحامەديەۆ.
قىرمىزى جۇماعاليقىزى,
ەۇۋ ستۋدەنتى
