2024 جىلى قازاقستاندا قىزىلشادان 75 مىڭ تونناعا جۋىق قانت وندىرىلەدى دەپ كۇتىلۋدە. يمپورتتىق قۇراق شيكىزاتىنان قايتا وڭدەۋ ءۇشىن ءۇشىنشى ەلدەردەن شيكىزاتتى باجسىز اكەلۋگە 300 مىڭ توننا كولەمىندە كۆوتا قولدانىستا. سونداي-اق ەاەو ەلدەرىمەن قازاقستانعا 270 مىڭ توننا قانت جەتكىزۋ كەلىسىلگەن.
اۋىل شارۋاشىلىعى ۆيتسە-ءمينيسترى ەربول تاسجۇرەكوۆتىڭ ايتۋىنشا, قىزىلشانىڭ ەڭ كوپ كولەمى جامبىل, جەتىسۋ جانە الماتى وبلىستارىندا ەگىلەدى.
جامبىل وبلىسىندا 400 گا القاپقا قانت قىزىلشاسىن ەگۋ جۇمىستارى باستالدى, جاپپاي ەگۋ 1-20 مامىر ارالىعىندا جۇرگىزىلەدى.
«قىزىلشا ەگەتىن وڭىرلەردىڭ اكىمدىكتەرى فەرمەرلەردىڭ تۇقىممەن تولىق قامتاماسىز ەتىلگەنىن مالىمدەدى. تەحنيكا 88%-عا دايىن. جاپپاي ەگىس جۇمىستارىنىڭ باستالۋىنا دەيىن 100% دايىن بولادى دەپ كۇتىلۋدە», دەپ باياندادى ۆيتسە-مينيستر.
قازاقستاندا قانت قىزىلشاسىنىڭ جالپى ءونىمى وسۋدە. 2023 جىلى بۇل كورسەتكىش 67,2% قۇراپ, 2022 جىلعى 305,3 مىڭ توننادان 510 مىڭ تونناعا دەيىن ءوستى. 2023 جىلدىڭ قىركۇيەگىنەن جەلتوقسانىنا دەيىن قانت زاۋىتتارى قىزىلشادان 60 مىڭ تونناعا جۋىق قانت ءوندىردى, بۇل 2022 جىلمەن سالىستىرعاندا 1,8 ەسە كوپ, ال شيكى قۇراقتان 155 مىڭ توننا قانت (2022 جىلعا قاراي 38%-عا از).
2024 جىلعى 1 ساۋىردەگى جاعداي بويىنشا زاۋىتتارداعى قانت قورى 33,5 مىڭ توننانى قۇرايدى (20,5 مىڭ توننا قۇراق قانت, 13 مىڭ توننا قىزىلشا قانتى). وعان قوسا 3 مىڭ توننا كولەمىندە وڭدەۋگە ارنالعان شيكىزات بار.
كەڭەستە سەرىك جۇمانعارين ءۇش ءوڭىر باسشىلارىنىڭ ەگىسكە دايىندىعى مەن قىزىلشا ەگەتىن القاپتاردى ۇلعايتۋ مۇمكىندىكتەرى تۋرالى ەسەبىن تىڭدادى.
اۋىل شارۋاشىلىعى مينيسترلىگىنە قىزىلشا ەگەتىن وڭىرلەرمەن بىرلەسە قازىرگى جاعدايدى ەسكەرە وتىرىپ, ەگىس جوسپارلارىن پىسىقتاۋدى تاپسىردى.
