فوتو: ارحيۆ kursiv.media
«قازاۆتوجول» مالىمەتىنشە, قازىرگى ۋاقىتتا رەسپۋبليكالىق جولداردا 722 بىرلىك تەحنيكا مەن 1787 ادام جۇمىلدىرىلعان.
3 وبلىستا (اتىراۋ, قاراعاندى, قوستاناي) 6 جول ءجۇرۋ ۋچاسكەسىندە جالپى ۇزىندىعى 955 مەتر بولاتىن سۋ تاسقىنى بولدى.
4 وبلىستاعى (اقتوبە, اتىراۋ, قوستاناي, پاۆلودار) رەسپۋبليكالىق ماڭىزى بار 5 اۆتوموبيل جولدارىندا (ۇزىندىعى 336 كم) قوزعالىسقا شەكتەۋ قويىلدى.
وسىلارعا قوسا, شۇعىل اقپارات كەلىپ جەتتى. حابارلامادا: «4 ساۋىردەگى ساعات 16:00 شاماسىندا ەرىگەن قار سۋى سالدارىنان ماڭعىستاۋ وبلىسى «دوسسور-قۇلسارى-بەينەۋ-سايوتەس-شەتپە-جەتىباي-اقتاۋ» اۆتوجولىنىڭ 210-220 شاقىرىمىندا (اتىراۋ وبلىسىنىڭ شەكاراسى-بورانقۇل اۋىلى ۋچاسكەسى) كولىك قۇرالىنىڭ بارلىق ءتۇرى ءۇشىن قوزعالىسقا شەكتەۋ قويىلدى», دەلىنگەن.
