مامىر ايى – مەرەكەمەن باستالادى. 1 مامىردا اتالىپ وتەتىن قازاقستان حالقىنىڭ بىرلىگى كۇنى بيىل سارسەنبىگە ءتۇسىپ تۇر ەكەن. سول سەبەپتى 5 كۇن جۇمىس ىستەيتىن ازاماتتار اپتا ورتاسىندا 1 كۇن دەمالىپ, بەيسەنبى مەن جۇمادا ارى قاراي جۇمىس ىستەي بەرەدى. 6 كۇن جۇمىس ىستەيتىندەر ءۇشىن دە سارسەنبى دەمالىس, ودان كەيىن 2, 3, 4 مامىردا جۇمىس ىستەيدى.
ايدىڭ ەكىنشى اپتاسىندا جۇمىس كۇنىنەن دەمالىس كوبىرەك بولادى.
5 كۇن جۇمىس ىستەيتىندەر 6 مامىردا جۇمىسقا شىعىپ, 7 مامىر – وتان قورعاۋشىلار كۇنىندە مەرەكەنى ۇيدەن اتاپ وتۋگە مۇمكىندىك الادى. سودان كەيىن 8 مامىردا 1 كۇن جۇمىس ىستەپ, 9 مامىردا تاعى دەمالماق.
ارى قاراي جۇما كۇنى جۇمىس ىستەپ, سەنبى, جەكسەنبىگە جوسپار قۇرا بەرسە بولادى. 6 كۇن جۇمىس ىستەيتىندەر ءۇشىن دە تەك سەنبىدە دەمالمايتىنى بولماسا, ءدال وسىنداي كەستە.
