ايىپتالۋشى كۋالىك بەرۋ كەزىندە «Bau» مەيرامحاناسىندا بولعان جانجال تۋرالى ايتىپ بەردى.
«ونىڭ شاشىنان ۇستاپ, بەتىنەن ءتورت رەت قاتتى شاپالاقپەن ۇردىم. ول قۇلادى. تاعى ادەيى ىستەپ جاتىر ما, الدە ءوزىن جامان سەزىندى مە, تۇسىنە المادىم. ونىڭ قانداي كۇيدە ەكەنىن تۇسىنبەدىم. ول قۇلاعان كەزدە مەن ونىڭ جامباسى مەن بوكسەسىنەن ءۇش-ءتورت رەت تەپتىم. مەن ومىرلىك ماڭىزدى مۇشەلەردى زاقىمداي المايتىنىمدى جانە زاقىمداماۋىم كەرەك ەكەنىن ءتۇسىندىم. مەن اشۋلى كۇيدە ونى ءتورت رەت تەپتىم. «تۇر, نە ىستەپ جاتىرسىڭ؟!» دەدىم, ول ورنىنان تۇرمادى.سسوندا ونى شاشىنان ۇستاپ, كوتەرە باستادىم. ول جەردە دارەتحانا بار ەدى, مەن ونى جۋىنسىن دەپ سول جەرگە سۇيرەپ اپاردىم. سونداي-اق ءوزىمي دە جۋىندىم. سول جەردەن ونى تاعى شاشىنان ۇستاپ, 1-ءشى VIP بولمەگە اپاردىم», دەدى قۋاندىق بيشىمباەۆ.
ەسكە سالا كەتەيىك, بۇگىن استانادا ايەلى سالتانات نۇكەنوۆانى اسا قاتىگەزدىكپەن ءولتىردى دەپ ايىپتالعان قۋاندىق بيشىمباەۆتىڭ سوتى جالعاسىپ جاتىر. كۋالىك بەرۋ كەزىندە ەكس-ءمينيستردىڭ قورعاۋشىسى سوت پەن پروتسەسكە قاتىسۋشىلارعا 2024 جىلدىڭ ناۋرىز ايىندا تۇسىرىلگەن سۋرەتتەردى كورسەتكەنى ءۇشىن سوگىس الدى.
قىرمىزى جۇماعاليقىزى,
ەۇۋ ستۋدەنتى
