سوت وتىرىسىندا قۋاندىق بيشىمباەۆ 9 قاراشا كۇنى «Bau» مەيرامحاناسىندا بولعان وقيعا تۋرالى بايانداپ جاتىر. ونىڭ ايتۋىنشا, بيشىمباەۆتىڭ نۇكەنوۆاعا قول كوتەرەتىن ويى دا بولماعان. مارقۇم وزىنەن-ءوزى اجەتحاناعا قامالىپ الىپ, ءوزىن سوعىپ, سەبەپسىز ايعاي سالعان.
«مەن ونى اجەتحاناعا قامالىپ الىپ نە ىستەپ جاتىر دەپ قورقىپ كەتتىم. سوندىقتان ەسىكتى سىرتىنان قاعىپ, اشا الماعان سوڭ سىندىرىپ كىرۋگە تۋرا كەلدى. مەن ونى ۇرىپ-سوققان جوقپىن, ول ۋنيتازعا بەتىمەن قۇلاپ, سوققى الدى. سودان كەيىن ەكىنشى رەت تەپە-تەڭدىك ساقتاي الماي ەدەنگە تاعى دا قاتتى قۇلادى», دەيدى بيشىمباەۆ.
ايتا كەتەيىك, ەكى كۇنگە جالعاسىپ جاتقان ايىپتالۋشىنىڭ تۇسىنىكتەمەسىنەن بۇل وقيعا تەك مارقۇم ايەلىن ايىپتاپ جاتقانىن تۇسىنۋگە بولادى. ايىپتالۋشىنىڭ سوزىنشە, 9 قاراشادا دا مارقۇم نۇكەنوۆا ءتۇنى بويى قايتا-قايتا ءوزى قۇلاپ قالا بەرگەن. دەنەسىندەگى كوگەرگەن, سىرىلعان, ت.ب. ىزدەر سول قۇلاعاننىڭ اسەرىنەن پايدا بولىپتى.
