اكتەر ەكى جىلدان بەرى اللەرگيا مازالاپ جۇرگەنىن جەتكىزدى.
- جاسىڭا جاس قوسىلعان سايىن كوپ گاسترولدەتىپ تە جۇرمەيسىڭ. سوڭعى كەزدە دەنساۋلىعىم بولماي ءجۇر. 3-4 ادام كوز تيگەن دەپ ايتتى. ءتىل-كوز بار دەيدى. اللانى اۋىزعا الىپ, جاقسى تىلەك تىلەپ جۇرسەك, قورعايتىن دۇعا عوي. سوڭعى ەكى جىل اللەرگيا بولىپ, مازاسىزدانىپ كەتتىم. تولىق جازىلا قويمادىم, قىزارىپ, كوزىم اۋىردى. دياگنوزىن تابا المادى. كىم بىلەدى ەندى, بۇل دا سىناق شىعار. دەنساۋلىق كەرەك ەكەن, – دەدى قۋاندىق شاكىرجانوۆ.
سونىمەن قاتار اكتەر وتباسىنداعى سوڭعى جاڭالىقتى دا جاريا ەتتى. ايتۋىنشا, بالالارىنىڭ اناسىنان بولەك تۇرىپ جاتقان كورىنەدى.
- ەر جىگىتتىڭ باسىنا نە كەلىپ, نە كەتپەيدى؟ ءومىر بولعاسىن ءبارى بولادى. بۇل دا ءبىر سىناق شىعار. مىنەزىمىز جاراسپادى ما, كىم ءبىلسىن؟! بالالارىمنىڭ اناسىن سىيلايمىن, قۇرمەتتەيمىن. اللاعا شۇكىر, ءبىر ۇل مەن ءبىر قىز تاۋىپ بەردى. قىزىم بويجەتتى, ۇلىم ەرجەتتى. وقۋلارىن ءبىتىردى. بىراق انالارىمەن اڭگىمە جاراسپادى, سوسىن ءوزىم بولەك تۇرىپ جاتىرمىن, – دەدى اكتەر.
ايتا كەتەيىك, اكتەردىڭ جارى دا اكتريسا ماماندىعىن يەگەرگەن. “ونەر اكادەمياسىنىڭ ءبىرىنشى كۋرسىن عانا وقىدى. ويتكەنى ءبىر شاڭىراق كوتەردىك. مەن ء“بىر ۇيگە ءبىر ءارتىس جەتەدى” دەدىم. سودان كەيىن تەاتردى دا توقتاتتىق. ارايدىڭ ونەرىنىڭ توقتاۋىنا سەبەپكەر بولعان شىعارمىن” دەگەن ەدى ونەر يەسى.
