تۇسىنىك بەرۋ بارىسىندا بيشىمباەۆ سالتانات نۇكەنوۆا مەن بۇرىنعى ايەلى نازىم قاھارماننىڭ اراسىندا ءبىرشاما تۇسىنبەۋشىلىك بولعانىن, وعان دا سالتانات كىنالى ەكەنىن ايتقان ەدى.
سوت وتىرىسى اياقتالعاننان كەيىن, كوپ ۇزاماي بۇل وقيعانىڭ ويدان قۇرالعانى انىق بولدى. نازىم قاھارمان الەۋمەتتىك پاراقشاسىندا بيشىمباەۆتىڭ ايتقانىن جوققا شىعاردى.
ونىڭ ايتۋىنشا, مارقۇم نۇكەنوۆا ەكەۋىنىڭ اراسىندا ەشقانداي تۇسىنبەۋشىلىك, اگرەسسيالىق حات الماسۋلار بولماعان. بۇل تۋرالى ءتىپتى ول سالتانات نۇكەنوۆامەن العاشقى ءارى سوڭعى رەت حات الماسقان فوتو-سكرينىن سالىپ, شىندىقتى جايىپ سالدى. ايەلدەردىڭ سمس جازباسىنان ولاردىڭ وتە جىلى قارىم-قاتىناستا ەكەنىن بايقاۋعا بولادى.
نازىم قاھارمان مارقۇم سالتاناتتىڭ تەك وزىنە ەمەس, بالالارعا دا وتە جاقسى قارىم-قاتىناستا بولعانىن. ارادا بەس اي ۋاقىت وتسە دە, قىزىنىڭ ءالى دە سالتاناتتىڭ قايتىس بولعانىنا سەنبەي, وعان حات جازىپ جۇرگەنىن ايتىپ, قىزىنىڭ سالتاناتقا جىبەرگەن حاتىن كورسەتتى.
«مەن قاتتى ساعىنىپ ءجۇرمىن. اكەم – ناشار ادام. ايەلدى ۇرۋ – سۇمدىق ءارى ۇيات! ءسىزدى جاقسى كورەمىن», دەلىنگەن سمس حابارلامادا.
