اۋدانعا كومەككە ءتۇرلى ۇيىمداردىڭ قىزمەتكەرلەرى, ەرىكتىلەر, تۇرعىندار كەلىپ جاتىر. مىسالى, ورمان شارۋاشىلىعى قىزمەتكەرلەرىنىڭ ءموبيلدى توبى (18 ادام, ولاردىڭ 11-ءى موتورلى قايىقتاردى باسقارا الادى) جانگەلدين اۋدانىنىڭ ارالباي كەنتىنە 18 تەحنيكامەن بىرگە كەلىپ, حالىقتى ەۆاكۋاتسيالاۋعا كىرىستى.
سونداي-اق تۇرعىنداردى ەۆاكۋاتسيالىق پۋنكتتەرگە ورنالاستىرۋ ۇيىمداستىرىلدى. سۋ باسقان اۋىلداردان بارلىعى 550-گە جۋىق ادام ەۆاكۋاتسيالاندى, ولار ءبىرىنشى كەزەكتەگى كەرەك-جاراقتارمەن, كيىممەن, كورپەمەن, ازىق-ت ۇلىكپەن قامتاماسىز ەتىلەدى. زارداپ شەككەندەر «ش.ءۋاليحانوۆ اتىنداعى ورتا مەكتەپ» كمم بازاسىندا جانە شىعارماشىلىق ۇيىندە قۇرىلعان ەۆاكۋاتسيالىق پۋنكتتەرگە ورنالاستىرىلدى.
بالالار وقۋلىقتارمەن, كيىممەن جانە كەڭسە زاتتارىمەن قامتاماسىز ەتىلدى, 1 ساۋىردەن باستاپ اۋدان ورتالىعىنىڭ مەكتەپتەرىندە قاشىقتان, سونداي-اق وفلاين فورماتتا ساباق باستالدى.
«جەرگىلىكتى ورگاندار م ۇلىكتىڭ ىسىرابىن ازايتۋ, بايلانىس پەن ينتەرنەتتى قالپىنا كەلتىرۋ, سونداي-اق ەلەكترمەن جابدىقتاۋ بويىنشا ءىس-شارالار كەشەنىن جۇرگىزىپ جاتىر. سۋ وتكىزۋ قۇرىلىستارىن تازارتۋ جانە تراسسالار ارقىلى تولىپ كەتۋدىڭ الدىن الۋ بويىنشا جۇمىستار دا ۇزدىكسىز جۇرگىزىلىپ جاتىر», دەدى جانگەلدين اۋدانى اكىمدىگىنىڭ قىزمەتكەرلەرى.
بۇگىنگى تاڭدا 22 ەلدى مەكەننىڭ 12-ءسى ەلەكتر ەنەرگياسىنا قوسىلعان.
