فوتو: ۆەدومستۆو ءباسپاسوز قىزمەتى
اباي وبلىسىندا اسكەري قىزمەتشىلەر اياگوز اۋدانى مامىرسۋ اۋىلىنداعى دامبىنى كۇشەيتۋ ءۇشىن 1700 تەكشە مەتر توپىراق اكەلىپ, 340 مەتر ءۇيىندى جاسادى.
02352 اسكەري ءبولىمىنىڭ ون ءبىر اسكەري قىزمەتشىسى شىعىس قازاقستان وبلىسى كۇرشىم اۋدانى بوران اۋىلىندا جۇمىسقا كىرىستى. مۇندا قارا ەرتىس وزەنىندەگى مۇزدىڭ كۇرت ەرۋى سالدارىنان سۋ دەڭگەيى بىردەن كوتەرىلگەن. سۋ تاسقىنىنا قارسى شارالارعا 4 جول تالعامايتىن اۆتوكولىك پەن جۇك كامازى ءبولىندى.
قاراعاندى وبلىسى اكىمىنىڭ جازباشا ءوتىنىشى بويىنشا وبلىس ورتالىعىنان شەت اۋدانىنىڭ نۇراتالدى اۋىلىنا 49 اسكەري قىزمەتشى جانە «استانا» وڭىرلىك قولباسشىلىعىنان بەس اۆتوموبيل تەحنيكاسى جىبەرىلدى. اپاتتى ايماقتاعى شارالار ءارى قاراي جۇرگىزىلەدى.
اۋە قورعانىسى كۇشتەرىنىڭ ۇشۋ ەكيپاجدارى وبلىستاردا, اتاپ ايتقاندا باتىس قازاقستان (قوسوبا, قاراتوبە, قورجىن, قوزىباس ەلدى مەكەندەرىنەن), اقتوبە (ويىل, ش.بەرسيەۆ اۋىلدارىنان), قوستاناي (قىزىلجۇلدىز, ەكىدىڭ اۋىلدارىنان) ادامداردى كوشىرىپ ءجۇر.
ناۋرىزدىڭ 27-29 كۇندەرى اپاتتان قۇتقارۋ شارالارىنا بارلىعى 480 اسكەري قىزمەتشى, 37 بىرلىك اۆتوكولىك تەحنيكاسى, 6 تىكۇشاق جانە اسكەري-كولىكتىك اۆياتسيا ۇشاعى جۇمىلدىرىلدى.
سۋ باسقان اۋدانداردان 900-دەن استام ادام كوشىرىلدى, ونىڭ 90-نان استامى - بالا. ەرىگەن قار سۋىنا بوگەت جاساۋ ءۇشىن شامامەن 9500 مىڭ قۇم قاپتالىپ, توسەلدى. 300 مەتر اعىن سۋ كارىزى تازارتىلدى. توتەنشە جاعدايلار مينيسترلىگىنىڭ جەكە قۇرامى الماتىدان ورال جانە اقتوبە قالالارىنا جەتكىزىلدى.
