بۇعان دەيىن پرەزيدەنت قاسىم-جومارت توقاەۆ قىتايدىڭ اسەم حاينان ارالىندا ءوتىپ جاتقان بواو فورۋمىنا كەلىپ, پلەنارلىق وتىرىستا قۇرمەتتى قوناق رەتىندە ءسوز سويلەدى. فورۋمنىڭ تاقىرىبى – «ازيا جانە الەم: ورتاق مىندەتتەر, ورتاق جاۋاپكەرشىلىك».
ءادىل كاۋكەنوۆ اتاپ وتكەندەي, 2001 جىلى ازيا داعدارىسىنىڭ سالدارلارىمەن كۇرەسۋ ءۇشىن قۇرىلعان بواو فورۋمى 2010 جىلداردىڭ ورتاسىنان باستاپ ايماقتىق وقيعادان جاھاندىق قۇبىلىسقا جىلدام اۋىسا باستادى, سونداي-اق وعان بەيرەسمي «شىعىس داۆوسى» دەگەن اتاۋ بەرىلدى.
«سونىمەن قاتار بۇگىندە ازيا ەكونوميكالىق ءوسۋ مەن عىلىمي-تەحنيكالىق پروگرەستىڭ نەگىزگى درايۆەرى, سوندىقتان مىناداي سۇراق تۋىندايدى: بولاشاقتا الەمدىك دامۋ كۇن ءتارتىبىن كىم انىقتايدى - داۆوس پا الدە بواو ما؟ راسىندا, قازاقستان پرەزيدەنتى قاسىم-جومارت توقاەۆ ءوز سوزىندە ازيانىڭ جاي عانا ءوسۋ ەمەس, ناعىز رەنەسسانس ءداۋىرىن باستان كەشىرىپ جاتقانىن اتاپ ءوتتى», دەپ جازدى ساياساتتانۋشى Facebook پاراقشاسىندا.
كاۋكەنوۆ قازاقستاننىڭ سىرتقى ساياسي جانە سىرتقى ەكونوميكالىق باسىمدىقتارىندا ازيالىق باعىتتىڭ باسىم بولۋىن تاڭعالارلىق جايت دەپ سانامايدى.
«ايگىلى «اليسا عاجايىپتار ەلىندە» شىعارماسىندا ورىندى ءسوز بار: ء«تىپتى ءبىر ورىندا تۇرۋ ءۇشىن بار كۇشىڭدى سالىپ جۇگىرۋ كەرەك, ال ءبىر جەرگە جەتۋ ءۇشىن ەكى ەسە جىلدام جۇگىرۋ كەرەك». كەم دەگەندە كەيبىر امبيتسيالارى بار كەز كەلگەن دامۋشى مەملەكەتتىڭ جاعدايىن ءدال وسىلاي سيپاتتاۋعا بولادى. ال ازيا – وتە قۇندى باعدار جانە باعىت, ونىمەن بايلانىستاردى نىعايتۋ بارلىق الەم مەملەكەتتەرى ءۇشىن ماڭىزدى مىندەت», دەپ قوستى ول.
كاۋكەنوۆتىڭ پايىمىنشا, قازاقستاننىڭ بواو فورۋمىنا قاتىسۋى جالپىازيالىق دامۋداعى امبيتسيالارى مەن مۇمكىندىكتەرىن كورسەتۋگە سەپتىگىن تيگىزبەك.
«اقىرىندا, قازاقستاننىڭ جانە بۇكىل ورتالىق ازيانىڭ باستى ماسەلەلەرىنىڭ ءبىرى – ءبىزدىڭ ەلدىڭ الەمنىڭ كوپتەگەن ەلدەرى ءۇشىن, سونىڭ ىشىندە ازيا ءۇشىن ءالى كۇنگە دەيىن تەررا ينكوگنيتا بولىپ قالۋى. بۇل ينۆەستيتسيا تارتۋدى, تەحنولوگيالار ترانسفەرتىن, تاۋارلاردى سىرتقى نارىققا شىعارۋدى جانە قازاقستاندا جاڭا جوعارى تەحنولوگيالىق وندىرىستەردى قۇرۋدى قيىنداتادى.
سوندىقتان بواو فورۋمىندا قازاقستان پرەزيدەنتى قاسىم-جومارت توقاەۆتىڭ «قۇرمەتتى قوناق» مارتەبەسى قازاقستاننىڭ جانە جالپى ورتالىق ازيانىڭ كۇن ءتارتىبىن ىلگەرىلەتۋگە, قازاقستاننىڭ جالپىازيالىق دامۋداعى امبيتسيالارى مەن مۇمكىندىكتەرىن كورسەتۋگە سەپتىگىن تيگىزەدى», دەپ قورىتىندىلادى ساياساتتانۋشى.
ەسكە سالايىق, مەملەكەت باسشىسى قىتايعا جۇمىس ساپارىمەن باردى. وندا ول بواو ازيا فورۋمىنىڭ سەسسياسىنا قاتىستى. ساپار باعدارلاماسىنا قازاقستان پرەزيدەنتى مەن قىتاي حالىق رەسپۋبليكاسى باسشىلىعىنىڭ, حالىقارالىق ۇيىمدار مەن ءىرى قىتايلىق كومپانيالار باسشىلارىنىڭ بىرقاتار كەزدەسۋى كىرەدى.
قىرمىزى جۇماعاليقىزى,
ەۇۋ ستۋدەنتى
