وسى ماقساتتا ۋنيۆەرسيتەتتىڭ 4-كۋرس ستۋدەنتتەرى ەلورداداعى مەكتەپتەردە تاجىريبەدەن وتەدى. ونداعى ماقسات – «جايلى مەكتەپ» جوباسى اياسىندا جاڭا مەكتەپتەردى پەداگوگيكالىق ماماندارمەن قامتاماسىز ەتۋ. استاناعا كەلگەن ستۋدەنتتەرمەن عىلىم جانە جوعارى ءبىلىم ءمينيسترى ساياسات نۇربەك جانە اباي اتىنداعى قازۇپۋ باسقارما توراعاسى-رەكتورى بولات تىلەپ كەزدەسۋ وتكىزىپ, مۇعالىمدىك مىندەتتىڭ ماڭىزىنا توقتالدى. ساپالى ءبىلىم قالىپتاستىرۋداعى جەتەكشى پەداگوگيكالىق وقۋ ورنىنىڭ باستى مىندەتى – ۇستازدىق ماماندىقتى تاڭداعان ستۋدەنتتەردىڭ جاۋاپكەرشىلىگىنە باستى نازار اۋدارۋ. وسى ورايدا استانا قالاسىنىڭ ءبىلىم باسقارماسىمەن ىنتىماقتاستىق مەموراندۋمىنا قول قويىلدى. ناتيجەسىندە, اباي ۋنيۆەرسيتەتىنىڭ 181 ستۋدەنتى 32 وقۋ ورنىندا, ونىڭ ىشىندە 11 ليتسەيدە, 13 گيمنازيادا, 1 ورتا مەكتەپتە, 3 ارناۋلى وقۋ ورنىندا, 4 بالاباقشادا تاجىريبەدەن وتەدى. تاجىريبە كەزەڭى بيىلعى جىلدىڭ 4 ناۋرىزىنان باستاپ مامىر ايىنىڭ 3-ىنە دەيىن جالعاسادى. ۋنيۆەرسيتەتتىڭ وسى باعىتتاعى كەلىسىمدەرىنە سايكەس الداعى ۋاقىتتا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن پەداگوگيكالىق كادرلاردى دايارلاۋدىڭ جاڭا جوبالارى ازىرلەنەدى.
رەسپۋبليكا مەكتەپتەرىن بىلىكتى ماماندارمەن قامتاماسىز ەتۋگە باعىتتالعان كەلىسىم تاياۋدا الماتى وبلىسىنىڭ ءبىلىم باسقارماسىمەن جاسالدى. اباي ۋنيۆەرسيتەتىنىڭ باسقارما توراعاسى-رەكتور بولات تىلەپ, الماتى وبلىسى ءبىلىم باسقارماسىنىڭ باسشىسى سالتانات بەسپاەۆا, ۋنيۆەرسيتەتتىڭ اكادەميالىق قىزمەت جونىندەگى پرورەكتورى بانۋ ناربەكوۆا, اكادەميالىق ماسەلەلەر مەن قوعاممەن بايلانىس سالاسىنا جاۋاپتى دەپارتامەنتتەردىڭ باسشىلارى كەلەلى ماسەلەلەردى تالقىلادى. وسى كەزدەسۋدە رەكتور بولات تىلەپ مۇعالىم «جايلى مەكتەپ» جوباسى اياسىندا الماتى جانە استانا قالالارىنداعى جاڭا مەكتەپتەردى پەداگوگيكالىق كادرلارمەن قامتاماسىز ەتۋگە, اۋىلدىق جانە قالالىق ورتا ءبىلىم بەرۋ ۇيىمدارىنداعى الشاقتىقتى جويۋعا, مەكتەپ ديرەكتورلارى مەن ورىنباسارلارىن, مۇعالىمدەردى قايتا دايارلاۋ جانە بىلىكتىلىگىن ارتتىرۋعا باعىتتالعان ۋنيۆەرسيتەتتىڭ جوسپارلارى مەن باستامالارى تۋرالى باياندادى.
ىنتىماقتاستىق كەلىسىمى ناتيجەسىنە سايكەس «جايلى مەكتەپ» جوباسى اياسىندا الماتى وبلىسىنىڭ جاڭا وقۋ جىلىندا پايدالانۋعا بەرىلەتىن 26 جاڭا مەكتەبىن بىلىكتى ماماندارمەن قامتاماسىز ەتىلىپ, وبلىستىڭ 433 مەكتەبىندە فيزيكا, ماتەماتيكا جانە حيميا مۇعالىمدەرىنىڭ ءبىلىم ساپاسىن جاقسارتۋ, مۇعالىمدەردىڭ يننوۆاتسيالىق باعدارلامالار مەن تسيفرلىق تەحنولوگيالارمەن جۇمىس دەڭگەيىن ارتتىرۋ, تاجىريبە الماسۋ ىسكە اسادى.
جەتىسۋ وبلىسى ءبىلىم باسقارماسىنىڭ باسشىسى مارات سۇلەيمەنوۆپەن كەزدەسۋدە ورىس ءتىلى, ماتەماتيكا جانە ينفورماتيكا مۇعالىمدەرى تاپشىلىعى ايتىلدى. سونداي-اق ەرەكشە ءبىلىم بەرۋدى قاجەت ەتەتىن بالالارمەن جۇمىس ىستەيتىن ماماندارمەن قامتاماسىز ەتۋ, مۇنىمەن قوسا ءبىلىم ساپاسىن جاقسارتۋ ءۇشىن مەكتەپ باسشىلىعى مەن پەداگوگ كادرلاردىڭ بىلىكتىلىگىن ارتتىرۋ, قايتا دايارلاۋ ماسەلەلەرى دە جالعاسىن تابۋعا ءتيىس. وسى كەزدەسۋ بارىسىندا مەموراندۋمعا قول قويىلىپ, ءبىلىم بەرۋ سالاسىنىڭ وزەكتى ماسەلەلەرى, ونىڭ ىشىندە ۋنيۆەرسيتەت پەن مەكتەپ اراسىنداعى بايلانىستى نىعايتۋعا باعىتتالعان ءىس-شارالار تالقىلاندى.
الماتى
