سۋ تاسقىنىنا بايلانىستى بىرنەشە وڭىردە جولدار جابىلدى

جول ۋچاسكەلەرىن قارعىن سۋ باسۋىنا وراي قوزعالىس شەكتەلگەن جولدار: 

1.2024 جىلعى 28 ناۋرىزدا ساعات 20:30 شاماسىندا ەرىگەن سۋدىڭ كوپ مولشەرىنەن جانە كولىك قۇرالدارىنىڭ قاۋىپسىز قوزعالىسىن قامتاماسىز ەتۋ ماقساتىندا «قاراعاندى-اياگوز-بوعاز» رەسپۋبليكالىق اۆتو جولىنىڭ 707 شاقىرىمىنان 941 شاقىرىمىنا (اياگوز قالاسىنان بوعاز اۋىلىنا) دەيىنگى ارالىقتا بارلىق كولىك قۇرالىنىڭ تۇرلەرى ءۇشىن قوزعالىسقا شەكتەۋ قويىلدى.

2. 2024 جىلعى 28 ناۋرىزدا ساعات 20:50 شاماسىندا كوپىرگە قاراي جولدىڭ ءىشىنارا بۇزىلۋىنا بايلانىستى «سامارا-شىمكەنت» اۆتو جولىنىڭ 965 شاقىرىمىنان 1240 شاقىرىمىنا دەيىنگى ارالىقتا بارلىق كولىك قۇرالىنىڭ تۇرلەرى ءۇشىن قوزعالىسقا شەكتەۋ ەنگىزىلدى (قارابۇتاق اۋىلىنان قىزىلوردا وبلىسىنىڭ شەكاراسىنا دەيىن).

3. 2024 جىلعى 28 ناۋرىزدا ساعات 21:00 شاماسىندا اقتوبە وبلىسىنا كولىك قوزعالىسىنىڭ جابىلۋىنا بايلانىستى قىزىلوردا وبلىسىندا «سامارا-شىمكەنت» اۆتو جولىنىڭ 1240 شاقىرىمىنان 1357 شاقىرىمعا دەيىنگى ارالىقتا كولىك قۇرالىنىڭ بارلىق تۇرلەرى ءۇشىن قوزعالىسقا شەكتەۋ قويىلدى (اقتوبە وبلىسىنىڭ شەكاراسىنان ارال قالاسىنا دەيىن).

4. 2024 جىلعى 28 ناۋرىزدا ساعات 21:00 شاماسىندا قاراعاندى وبلىسىندا ەرىگەن سۋدىڭ شامادان تىس كوپ بولۋىنا جانە كولىكتىڭ قاۋىپسىز قوزعالىسىنا قاۋىپ تونۋىنە بايلانىستى استانا-قابانباي باتىر-نۇرا-تەمىرتاۋ اۆتو جولىنىڭ 147-شاقىرىمنان 166-شاقىرىمعا دەيىنگى ارالىقتا كولىك قۇرالىنىڭ بارلىق تۇرلەرى ءۇشىن قوزعالىسقا شەكتەۋ قويىلدى (العاباس اۋىلىنان اقمەشىتكە دەيىنگى ۋچاسكە).