«قازگيدرومەتتىڭ» مالىمەتىنشە, وبلىستىڭ وڭتۇستىك وڭىرىندە مۇنداي الاپات سۋ تاسقىنى بۇرىن-سوڭدى بولماعان. تابيعي اپاتتىڭ باستى سەبەبى – وڭىردە قىس بويى جىلداعى مولشەردەن ەكى ەسە كوپ قار جاۋدى. كۇز جاڭبىرلى بولىپ, توپىراق قاباتىنا ءبىر جارىم مەتر تەرەڭدىكتە توڭ قاتىپ قالدى. وسىلايشا, اۋا رايى كۇرت جىلىندى دا, ەرىگەن قار سۋىنىڭ ءبارى جەرگە سىڭبەي, توڭنىڭ ۇستىمەن ءجۇرىپ جاتىر», دەدى اكىم.
دەگەنمەن, قاجەتتى شارالار قابىلداندى. قۇمار ىرگەباي ۇلىنىڭ ايتۋىنشا, قۇتقارۋ جۇمىستارىنا ءبىر مىڭنان اسا ادام, 500-ءدىڭ ۇستىندە ءتۇرلى تەحنيكا جۇمىلدىرىلعان.
«ونىڭ ىشىندە 4 تىكۇشاق بار. تەك سوڭعى ەكى كۇننىڭ ىشىندە قاۋىپتى جەرلەردەن 443 ادام قۇتقارىلدى. زارداپ شەككەندەرگە كومەك كورسەتۋ ءۇشىن ارنايى كوميسسيا قۇرىلدى. ولاردىڭ بارىنە مەملەكەت تاراپىنان كومەك بەرىلەتىن بولادى. بىردە ءبىر ادام مەملەكەت نازارىنان تىس قالمايدى», دەدى قۇمار اقساقالوۆ.
