جول بويىنداعى جاعدايدى اۋدان اكىمدىگى باقىلاۋىنا العان. سۋ جينالعان جەرلەردە موتوسورعىلار جۇمىس ىستەپ جاتىر. سۋ شايىپ كەتۋ قاۋپى بار جەرلەرگە ينەرتتى ماتەريال سالىنعان قاپشىقتار قالانىپ, توسقاۋىل جاسالىپ جاتىر. سۋ جينالعان جەرلەردە توتەنشە جاعداي جانە ءورت ءسوندىرۋ بولىمدەرىنىڭ قىزمەتكەرلەرى, جەرگىلىكتى اتقارۋشى ورگانداردىڭ قىزمەتكەرلەرلەرى سونداي-اق اۋىل تۇرعىندارى ءجۇر. سۋ باسۋ قاۋپى بار شارۋا قوجالىقتارى قاۋىپسىز جەرلەرگە كوشىرىلۋى مۇمكىن.
وبلىس اكىمدىگىنىڭ مالىمەتىنشە, جانگەلدين اۋدانىندا سۋ تاسقىنىنىڭ الدىن الۋ جۇمىستارىنا 30 ادام تارتىلعان جانە «كاماز», «ەكسكاۆاتور», جۇك تيەگىش تراكتور, متز تراكتورى, ۋاز اۆتوكولىگى, پوليتسيا ءبولىمىنىڭ پاترۋلدىك كولىگى, 5 موتوسورعى جۇمىس ىستەپ جاتىر. تۇستەن كەيىن ولاردىڭ قاتارىنا «اليۋمينستروي» جشس-ءنىڭ ءبىر ەكسكاۆاتورى, 1 «كاماز» جۇك كولىگى كەلىپ قوسىلعان.
