فوتو: sud.kz
ءبىرىنشى ساتىداعى سوت تالاپ قويۋشى ۇسىنعان قۇجاتتارمەن تاۋاردىڭ جەتكىزىلگەندىگىنىڭ راستالعانىن اتاپ ءوتىپ, تالاپ قويۋدى قاناعاتتاندىرعان.
اپەللياتسيالىق سوت القاسى سوت شەشىمىن بۇزعان جانە ساتۋشىنىڭ قۇجاتتاردى ساتىپ الۋشىعا قول قويۋعا جىبەرۋ فاكتىسىن دالەلدەمەگەنىن, تاۋاردى قابىلداۋ-تاپسىرۋ اكتىلەرىن ۇسىنباعانىن, سونداي-اق تالاپ قويۋشى ورىندالعان جۇمىستاردىڭ اكتىلەرىن جارامدى دەپ تانۋ تۋرالى سوتقا تالاپ قويۋمەن جۇگىنبەگەنىن كورسەتە وتىرىپ, تالاپ قويۋدى قاناعاتتاندىرۋسىز قالدىردى.
جوعارعى سوت ءىستى قاراپ, ساتۋشىنىڭ شارت بويىنشا ءوز مىندەتتەمەلەرىن ورىنداعانىن كورسەتتى. بۇل قابىلداۋ-تاپسىرۋ اكتىلەرىمەن, تاۋاردى جەتكىزۋ قۇجاتتارىمەن جانە ەلەكتروندى شوت-فاكتۋرالارمەن راستالادى. سونداي-اق قارىزدى راستايتىن تاراپتاردىڭ قول قويعان ءوزارا ەسەپ-شوتتاردى سالىستىرۋ اكتىسى بار ەكەنى اتاپ ءوتىلدى.
سونىمەن قاتار ساتىپ الۋشى تاۋاردى جەتكىزۋ جانە ورناتۋ فاكتىسىن جوققا شىعارمايدى, بۇل ساتۋشىنىڭ شارت بويىنشا ءوز مىندەتتەمەلەرىن ورىنداعانىن بىلدىرەدى.
سوت القاسى ساتىپ الۋشىنىڭ شارتتى ورىنداماۋىنا بايلانىستى بۇزۋ شارالارىن قولدانباعانىن ەسكەردى: ساتۋشىعا تالاپتارى بىلدىرىلگەن حاتتارى جولدانباعان, ساتۋشى جالعان قۇجاتتاردى ۇسىنعاندىعى فاكتىسى بويىنشا ساتىپ الۋشى پوليتسيا ورگاندارىنا حابارلاسپاعان.
ساتىپ الۋشى 61 ميلليون تەڭگەنى ۇستاعان سوڭ, ونىڭ شارت بويىنشا ساتۋشى الدىنداعى قارىزى 156 ميلليون تەڭگەنى قۇراعان.
جوعارعى سوت اپەللياتسيالىق شەشىمنىڭ كۇشىن جويدى. ءبىرىنشى ساتىداعى سوتتىڭ شەشىمى وزگەرىسسىز قالدىرىلدى.
