ونەر يەسى جەلىدە ناۋرىز كوجە دايىنداپ جاتقان ساتىنەن ۆيدەو جاريالاپ, ەلدى ءتانتى ەتتى. ماقپال ءجۇنىسوۆا ناۋرىز مەرەكەسىنە قالاي دايىندالىپ جاتقانىن Instagram پاراقشاسىندا كورسەتتى.
ءانشى جاريالاعان ۆيدەودان ونىڭ ءوز ۇيىندە ناۋرىز كوجە دايىنداپ جاتقانىن كورۋگە بولادى. ونەر يەسى بارشا وتانداستارىن مەيراممەن قۇتتىقتاپ, اق تىلەگىن ءبىلدىردى.
- قۇرمەتتى حالايىق, كەلىپ جەتكەن ناۋرىز مەيرامى قۇتتى بولسىن. وتباسىلارىڭىزدا بەرەكە, مەرەكە بولسىن. ەلىمىز امان بولسىن, اق مول بولسىن. مىنە, ناۋرىز كوجەمىزدى دايىنداپ جاتىرمىز. تويدان تويعا جەتە بەرىڭىزدەر, - دەپ جازعان ماقپال ءجۇنىسوۆا.
