قازاقستانعا اياز قايتا ورالادى

سينوپتيكتەردىڭ مالىمەتىنشە, 19-21 ناۋرىز ارالىعىندا رەسپۋبليكانىڭ باسىم بولىگىندە اۋا تەمپەراتۋراسى بىرتىندەپ تومەندەيدى. ماسەلەن, رەسپۋبليكانىڭ سولتۇستىك جارتىسىندا تۇندە -7-18°س, كۇندىز -6+6°س بولادى, وڭتۇستىك جارتىسىندا تۇندە 0-10°س, كۇندىز +3+18°س دەيىن جىلى بولادى.

«الداعى ءۇش تاۋلىكتە ەل اۋماعىنىڭ باسىم بولىگىنە اتموسفەرالىق فرونتالدى بولىكتەر ىقپال ەتەدى, ونىڭ اسەرىنەن ەلىمىزدە جاۋىن-شاشىن بولادى», دەلىنگەن حابارلامادا.

بولجام بويىنشا, 21 ناۋرىز تۇندە قاراعاندى ​​وبلىسىنىڭ وڭتۇستىگىندە قاتتى جاۋىن-شاشىن كۇتىلەدى. 20 ناۋرىزدا كۇندىز ماڭعىستاۋ وبلىسىنىڭ باتىسى مەن وڭتۇستىگىندە, 21 ناۋرىزدا قىزىلوردا وبلىسىندا, 20-21 ناۋرىزدا تۇركىستان وبلىسىندا, 19 ناۋرىز كۇندىز, 20-21 ناۋرىزدا جامبىل وبلىسىندا جاۋىن-شاشىن بولادى دەپ بولجانىپ وتىر. 

«20-21 ناۋرىزدا باتىس قازاقستان, اتىراۋ, اقتوبە وبلىستارىندا, 21 ناۋرىزدا قوستاناي وبلىسىندا جاۋىن-شاشىنسىز اۋا رايى ساقتالادى, رەسپۋبليكانىڭ بارلىق اۋماعىندا, سولتۇستىكتە جانە ورتالىقتا جەل كۇشەيەدى, تۇمان, كوكتايعاق كۇتىلەدى, قار جاۋادى, قازاقستاننىڭ وڭتۇستىگى مەن وڭتۇستىك-شىعىسىندا نايزاعاي وينايدى», دەپ حابارلادى «قازگيدرومەت» رمك.