فوتو: اسسامبلەيانىڭ قىزىلوردا وبلىستىق ءباسپاسوز قىزمەتى
مەرەكەنى قىزىلوردا وبلىستىق قازاقستان حالقى اسسامبلەياسى جانىنداعى «اسسامبلەيا جاستارى» ۇيىمىنىڭ بەلسەندىلەرى ءدال وسىلاي قارسى الدى. ولار بۇل كۇنى «Naman Ata» سپورتتىق كەشەنىندە قازاقتىڭ ۇلتتىق ويىندارىن دارىپتەپ, سايىسقا ءتۇستى.
«مەملەكەت باسشىسى قاسىم-جومارت كەمەل ۇلى ء«بىز قازىرگى زاماننىڭ جاقسى قاسيەتتەرىن بويعا سىڭىرە وتىرىپ, ۇلتتىق بولمىسىمىزدى جاڭعىرتۋعا ءتيىسپىز» دەپ اتاپ وتكەن بولاتىن. وسى رەتتە مەرەكە قارساڭىندا وڭىرلىك «اسسامبلەيا جاستار» ۇيىمى - ۇلتتىق بولمىستى جاڭعىرتۋعا ۇلەس قوسىپ جاتىر. ۇلتتىق ويىنداردىڭ ءبىرى ساداق اتۋدى دامىتۋ, ۇلت رۋحانياتى مەن ساۋلىعىنا جاناشىرلىق دەپ بىلەمىز», دەدى «قوعامدىق كەلىسىم» كمم ديرەكتورىنىڭ ورىنباسارى ايبەك دايراباي.
ال ساداق اتۋدان جارىستاردا جۇلدەلى ورىندارعا يە بولىپ جۇرگەن «اسسامبلەيا جاستارى» ۇيىمىنىڭ بەلسەندىسى ۆەرونيكا رۋسلانوۆانىڭ ايتۋىنشا ساداق اتۋ – ومىرتقانى شىنىقتىرىپ, ونىڭ ءتۇرلى دەرتكە شالىنۋىنىڭ الدىن الادى.
سايىسقا وننان اسا ەتنوس جاستارى قاتىستى. ساداقشىلار 10 مەتردەن 25 مەترگە دەيىنگى قاشىقتىقتا مەرگەندىك شەبەرلىكتەرىن تانىتتى. ايتا كەتۋ كەرەك, ەتنوس جاستارى ساداق اتۋدان بولەك ارقان تارتۋ, اسىق ويناۋدان دا جارىسقا ءتۇستى.
ۇزدىك مەرگەندەرگە ارنايى ديپلومدار مەن سىيلىقتار تابىستالدى.
