فوتو: dairynews.today
سول اشىتقىنى مالدىڭ جەمازىعىنا قوسىپ بەرسە دە پايدالى بولادى ەكەن. انىقتاماعا قاراعاندا جوعارى ءتيىمدى اشىتقى كومبيناتسياسىن جەمازىققا قوسىپ بەرسە, جانۋارلار مەن قۇستاردىڭ يممۋندىق قاسيەتى ارتىپ, ءتۇرلى اۋرۋعا قارسى تۇرا الادى جانە تەزىرەك ەت الىپ, كۇيلەنەدى ەكەن. بەلسەندى اشىتقىنى شوپكە, سابانعا, جەمگە قوسىپ بەرسە, جەمازىقتىڭ ءدامى دە جاقسارىپ, مالدىڭ تابەتى ارتاتىن كورىنەدى. مالدىڭ, قۇستىڭ يممۋندىق قاسيەتىن كوتەرگەن سوڭ, ونى انتيبيوتيك, فەرمەنت, ءاميندى قىشقىل جانە دارۋمەندەردىڭ ورنىن تولتىرۋشى دەپ قاراستىرۋعا بولادى.
اقپان ايىندا پەتروپاۆل قالاسىندا وتكەن «Qyzyljar Investment Forum» اتتى ەكونوميكالىق جيىندا «سولتۇستىك» əلەۋمەتتىك-كəسىپكەرلىك كورپوراتسياسى, «Qyzyljar» ارنايى ەكونوميكالىق ايماعى وكىلدەرى مەن ينۆەستورلار اراسىندا قۇنى 128 ملرد تەڭگەنى قۇراعان 14 مەموراندۋمعا قول قويىلعان. سونىڭ ءبىرى – يتاليانىڭ ميلان قالاسىنا جاقىن ورنالاسقان بيوتەحنولوگيالىق ونىمدەر شىعاراتىن «Prosol» كومپانياسى. قازىر بۇل كومپانيا قىتاي جəنە امەريكا نارىعىنا شىعۋدى جوسپارلاپ وتىر.
ء«وندىرىستى كەڭەيتۋ ءۇشىن «Qyzyljar» ارنايى ەكونوميكالىق ايماعىندا زاۋىت قۇرىلىسىن سالۋدى قولعا الدىق. وندا بەلسەندى جەمازىقتىق اشىتقى وندىرىلەدى», دەيدى كومپانيانىڭ وتاندىق ديرەكتورى سىرىم ابىلعازيەۆ.
«Prosol Bioteh Kazakhstan» كومپانياسى 2023 جىلدىڭ قاراشا ايىنان بەرى «Qyzyljar» اەا-دا رەزيدەنت بولىپ تىركەلگەن. ولار 2024 جىلدىڭ ەكىنشى توقسانىندا جىلىنا 3 مىڭ توننا جەمازىقتىق بەلسەندى اشىتقى وندىرەتىن زاۋىت قۇرىلىسىن باستاماقشى. قۇرىلىستى 2025 جىلى اياقتاۋ جوسپارلانعان. قۇيىلاتىن ينۆەستيتسيا كولەمى – 2 ملرد تەڭگە. «Qyzyljar» اەا اۋماعىنان جاڭا زاۋىت ءۇشىن 3 گەكتار جەر بەرىلمەك. جاڭا زاۋىتتىڭ اشىلۋى ارقاسىندا 40 ادام جۇمىسپەن قامتىلادى.
كاسىپكەرلىك جانە يندۋستريالدىق يننوۆاتسيالىق دامۋ باسقارماسىنىڭ باسشىسى ەلدار ىسماعۇلوۆتىڭ ايتۋىنا قاراعاندا, زاۋىت ونىمدەرى وتاندىق فەرمەرلەر مەن شەتەلدىكتەرگە ساتىلادى. قۇرامىنداعى پروتەين مەن بەلوكتاردىڭ كوپتىگىنىڭ ارقاسىندا مال ءتولى تەز ءوسىپ, جەدەل شيرايدى. قۇستاردىڭ جۇمىرتقالاۋى ارتادى. تەرىسىنەن قۇندى ەلتىرى يلەنەتىن قۇندىز سياقتى سۋ اڭدارى دا وسى اشىتقىنىڭ ارقاسىندا تەز جەتىلمەك. اشىتقىنى جەمازىق رەتىندە بالىققا دا بەرۋگە بولادى. جەمازىقتىق اشىتقىنىڭ شيكىزاتى – قىزىلشانىڭ سىرنەسى.
«Qyzyljar» اەا-دا زاۋىت سالۋ تۋرالى شەشىمگە كەلگەن سەبەبىمىز – مۇندا لوگيستيكالىق جاعداي تارتىمدى ءارى شيكىزات كوزىنە جاقىن ورنالاسقان. ءبىزدىڭ كومپانيامىز – بيوتەحنولوگيانىڭ اشىتقى ءوندىرۋ سالاسى بويىنشا الەمدەگى كوشباسشىلاردىڭ ءبىرى. تىرەك زاۋىتىمىز يتاليانىڭ ميلان قالاسىنىڭ تۇبىندە ورنالاسقان. ونىمدەرىمىزدى الەمنىڭ 50 ەلىندە ساتامىز. بولاشاقتا قىتاي مەن اقش نارىعىنا شىعۋدى مەجەلەپ وتىرمىز. اسىرەسە قىتاي نارىعى قىزىقتىرادى. پەتروپاۆلدا زاۋىت اشۋ ارقىلى وسى ماقساتىمىزدى ىسكە اسىرعىمىز كەلەدى», دەيدى س.ابىلعازيەۆ.
سونىمەن قاتار ول قازاقستاندا اگروونەركاسىپتىك كەشەننىڭ كەڭىنەن دامىعانى دا ينۆەستوردىڭ قىزىعۋشىلىعىن تۋدىرعانىن ايتتى.
ء«ونىمدى الۋشى دا, شيكىزات كوزى دە ءدال جانىمىزدا ورنالاسقان. الىس شەتەلگە شىعارماق بولساق, تەمىرجول مەن تاسجول بار. ينفراقۇرىلىم جوعارى دەڭگەيدە دامىعان. سوندىقتان كاسىپورىن سالۋ ءبىز ءۇشىن وتە ءتيىمدى. كاسىپورىنعا تەك جەرگىلىكتى كادرلاردى عانا جۇمىسقا الامىز. ولاردى وقىپ-ۇيرەتۋ ءۇشىن سولتۇستىك قازاقستان ۋنيۆەرسيتەتىمەن كەلىسىمشارت جاسايمىز», دەپ ءتۇسىندىردى.
پەتروپاۆل
