«قاسيەتتى ورازانىڭ ەكىنشى كۇنى قازاقتىڭ ءبىرتۋار قالامگەرى, اسىل اعامىز جۇماباي شاشتاي ۇلى جاراتقاننىڭ قۇزىرىنا قايتىپتى. وكىنىشتى…سوز جوق…بىرنەشە بۋىنعا ۇستاز بولعان, ادال ءھام تاپ-تازا قالپىنان اينىماي, سوڭىنان ءبىر اۋىز بوتەن ءسوز ىلەستىرمەگەن ءسابي بولمىستى جۇماعاڭ تۋرالى ايتار جاقسى اڭگىمە كوپ. جاقسىلار شەتىنەن كەتىپ جاتىر», دەپ جازدى ج.ءاشىمجان.
جۇماباي شاشتاي ۇلى 1950 جىلى جامبىل اۋدانى جامبىل اۋىلىندا دۇنيەگە كەلگەن. ول «كوممۋنيزم جولى» گازەتىندە, 1980-87 جىلدارى رەسپۋبليكالىق «لەنينشىل جاس», «سوتسياليستىك قازاقستان» گازەتتەرىندە, 1987-90 جىلدارى «جالىن» جۋرنالىندا قىزمەت اتقاردى. 1990-92 جىلدارى «قازاق ءتىلى» قوعامى الماتى وبلىستىق كوميتەتى توراعاسىنىڭ ورىنباسارى, 1992-96 جىلدارى «جاس الاش», «قازاق ادەبيەتى» گازەتتەرىندە ءبولىم مەڭگەرۋشىسى, 1996-2002 جىلدارى حالىقارالىق «زامان-قازاقستان» گازەتىنىڭ باس رەداكتورى بولدى.
2002 جىلدان باستاپ قازاق راديوسىنىڭ باس رەداكتورى قىزمەتىن اتقاردى. 2008-2017 جىلدارى «قازاق ادەبيەتى» گازەتىندە باس رەداكتور قىزمەتىن اتقارعان.
1982 جىلى «تاڭ نۇرى» اتتى ۇجىمدىق جيناققا «قيادا» اتتى العاشقى پوۆەسى ەندى. 1984 جىلى شىققان «قىزىل كار» اتتى تۇڭعىش جيناعى سول كەزدەگى ساياسي باسشىلىق تاراپىنان قاتال سىنعا ىلىكتى. بۇدان سوڭ «جالا مەن نالا» (1987), «جىر جولبارىس» (1996), ء«بىزدىڭ زاماننىڭ اياز ءبيى» (1997) كىتاپتارى جارىق كورگەن.
