سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ بريفينگتە ايتقانىنداي, 11 ناۋرىزدا قازاقستاننىڭ ۇندىستانداعى ەلشىلىگىنە قازاقستان ازاماتتارى كامەلەتكە تولماعان ۇلىنىڭ اۋىر حالدە اۋرۋحانادا جاتقانىن ايتىپ, حابارلاسقان.
«جاعدايدى انىقتاعان كەزدە ونىڭ 5 ناۋرىزدا سۋعا قۇلاپ كەتكەنىن انىقتادىق, ول قۇتقارىلدى. الايدا, 10 ناۋرىزعا دەيىن ءجاسوسپىرىم اۋرۋحانادا جاتتى. دارىگەرلەر ونىڭ ءومىرى ءۇشىن كۇرەسىپ باقتى. وكىنىشكە قاراي, 10 ناۋرىزدا بۇل جىگىت قايتىس بولدى. قازىر تۋىستارىنا كومەك كورسەتىپ جاتىرمىز. كونسۋل مارقۇمنىڭ تۋىستارى مەن اتا-اناسىمەن بايلانىس ورناتتى», دەدى رەسمي وكىل.
