Qazaqstan ۇلتتىق تەلەارناسىنا سۇحبات بەرگەن ءدىنباسى ورازاعا قاتىستى دۇنيەلەرگە جان-جاقتى توقتالدى.
«اتا-بابالاردان بىزگە جەتكەن, ءدىنىمىز يسلاممەن ساباقتاسىپ كەتكەن سالت-داستۇرلەرىمىز بار, قۇدايعا شۇكىر. سونى ساقتاپ قالۋ ماقساتىندا كوپ جۇمىس اتقارىلىپ جاتىر. جاقىندا عانا «بابالار ىزىمەن: قازاق دالاسىنداعى مۇسىلماندىق مەكتەپ» كىتابى جارىق كوردى. بىزگە يسلام قاشان كەلدى, ونى بابالارىمىز قالاي ۇستادى, قانداي باعىتتا ءجۇردى؟ وسىنىڭ بارلىعى سول جەردە كورسەتىلگەن. وسى كىتاپتار ەلىمىزگە كەڭىنەن تاراپ جاتىر. ءداستۇردىڭ قۇندىلىعى اياسىندا ورازاعا قاتىستى دۇنيەلەردى ايتتىق. مىسالى, ورازاعا قاتىستى سىرتتان كەلگەن سوزدەر بار. مىسالى, سارەسىن ءبىز سارەسى دەپ كەلدىك, كەيبىر جاستارىمىز ونى «سۋحۋر» دەپ كەتتى», دەيدى ناۋرىزباي قاجى تاعان ۇلى.
باس ءمۇفتي كۇندەلىكتى ومىردە شەت تىلىندەگى ءسوزدى قوسىپ سويلەۋ بەلەڭ الىپ بارا جاتقانىن ايتتى. سونىمەن قاتار يفتار ەمەس, اۋىزاشار دەپ ايتۋعا ۇندەدى.
«بىرەۋلەر يفتار دەپ ايتىپ كەتتى. كەيبىر سوزدەردى اعىلشىن تىلىندە ايتىپ جاتادى. كورشىلەس ورىس تىلىندە ايتىلاتىن سوزدەر بار. بىراق ءبىز ءوزىمىزدىڭ ۇلتتىق قۇندىلىقتارىمىزدى دارىپتەيىك دەگەن ماقساتتا وسى ۇندەۋدى ايتىپ وتىرمىز», دەيدى ناۋرىزباي قاجى تاعان ۇلى.
