فوتو: senate.parlam.kz
دەپۋتاتتىڭ ايتۋىنشا, استانا, الماتى, اقتوبە, قاراعاندى, جەزقازعان قالالارىندا جانە تەمىرتاۋداعى اۋا جوعارى دەڭگەيدە لاستانعانى بايقالادى.
« ۇلىتاۋ وبلىسىنىڭ جەزقازعان جانە ساتپاەۆ قالالارىندا ايماقتاعى ءوندىرىس ورىندارىندا زياندى گازداردى سۇزۋگە ارنالعان قوندىرعىلاردى جاڭارتۋ جۇمىستارىن دەر كەزىندە جۇرگىزبەسە ءوڭىردىڭ ەكولوگيالىق جاعدايى كۇرت ناشارلاۋى مۇمكىن. جەزقازعان وڭىرىندەگى نەگىزگى سۋ كوزى - كەڭگىر سۋ قويماسى. ونداعى سۋدىڭ ساپاسى قاناعاتتانارلىق ەمەس, سۋ كلاسى بويىنشا IV كلاسس رەتىندە انىقتالعان. سۋدىڭ ساپاسىن جاقسارتۋ بويىنشا گيدرولوگيالىق جۇمىستاردى جۇرگىزۋمەن قاتار, ءۇيتاس-ايدوس جەراستى سۋ قۇبىرىنىڭ قۇرىلىسىن دا جەدەلدەتۋ قاجەت», دەدى سەناتور.
سوۆەتبەك مەدەباەۆ ءوندىرىس ورىندارىنىڭ قالدىقتارى اشىق جەرلەردە ءۇيىلىپ جاتقانىنا دا الاڭداۋشىلىق ءبىلدىردى. قاتتى تۇرمىستىق قالدىقتاردىڭ كوپ بولىگى ەش سۇرىپتاۋسىز شىعارىلىپ, قالالىق پوليگونداردا جينالىپ جاتىر. احۋالدىڭ اۋقىمدىلىعىن ەسكەرگەن دەپۋتات ەل ازاماتتارىنىڭ دەنساۋلىعىنا ەلەۋلى قاتەر ءتونۋى مۇمكىن ەكەنىن العا تارتىپ, وزەكتى ماسەلەلەردى شەشۋ جونىندە بىرقاتار شارالاردى ۇسىندى.
«قاۋىپتى قالدىقتار مەن قوقىستاردىڭ مولشەرىن ازايتۋ ماقساتىندا الەمدىك ەكولوگيالىق ستاندارتتارعا سايكەس ەكوجۇيە ەنگىزۋ جولدارىن قاراستىرۋ قاجەت. قالدىقتاردى, ونىڭ ىشىندە قۇرىلىس قالدىقتارىن جيناۋعا ارنالماعان جەرلەردە زاڭسىز تاسىمالداۋ جانە شىعارۋ فاكتىلەرىن انىقتاۋ ءۇشىن تەكسەرۋ جانە وزگە دە شارالار جۇرگىزۋ ارقىلى مەملەكەتتىك باقىلاۋ شارالارىن كۇشەيتۋ كەرەك. جەرگىلىكتى جانە ورتالىق اتقارۋشى ورگاندار بىرلەسىپ قالالىق, اۋداندىق, اۋىلدىق ەلدى مەكەندەردە تۇرمىستىق قاتتى قالدىقتاردى باسقارۋ, ونىڭ ىشىندە تۇرمىستىق قاتتى قالدىقتاردى بولەك جيناۋ, تاماق جانە قۇرىلىس قالدىقتارىن قايتا وڭدەۋ جونىندە ينفراقۇرىلىم قۇرۋ ماسەلەسىن قاراستىرۋ ماڭىزدى», دەپ اتاپ ءوتتى دەپۋتات.
