فوتو: ult.kz
دەپۋتات كەلتىرگەن دەرەككە سۇيەنسەك, ەلىمىزدەگى 543 مىڭ كوپبالالى انانىڭ بارلىعىندا ءتىستىڭ ءتۇسۋ پروبلەماسى بار.
«ەلىمىزدە ۇزاق مەرزىمدى دەموگرافيانى قامتۋ ستراتەگياسىنىڭ باس اسپەكتىسى - لايىقتى انا كاپيتالىن قالىپتاستىرۋ. انا جۇكتى بولعان كەزدە قۇرساقتا بالانىڭ قالىپتاسۋىنا كالتسيدى كوپتەپ جۇمساپ, ءوزىنىڭ تىسىنەن ايىرىلاتىندىعى مەديتسينالىق فاكت. قازاقستاندا ستوماتولوگيالىق قىزمەت اقىسى كۇيىپ تۇرعانى بارشامىزعا بەلگىلى. سوندىقتان ءبىرىنشى كەزەكتە كوپبالالى ءزارۋ انالارعا ءتىسىن جوندەۋ ءۇشىن بىررەتتىك قارجىلىق تولەم قالىپتاستىرۋ ماڭىزدى. بالا تاپقان كەلىنشەكتەردىڭ دەنساۋلىعىن كۇتىپ, قالپىندا ۇستاپ وتىرۋدىڭ مەملەكەتتىك ستاندارتتارىن ازىرلەۋ كەرەك», دەدى ەرلان سايروۆ.
ءماجىلىس دەپۋتاتى انا بالا بوسانعاندا جاسالاتىن تولەم تەك بالانى كۇتۋگە ءبولىنىپ, انا دەنساۋلىعىن قالىپتا ۇستاۋ ءۇشىن قارجى قاراستىرىلماعانىن ايتتى. ءبىزدىڭ ەلدەگى بالا كۇتىمىنە بەرىلەتىن سوممانىڭ ماردىمسىز ەكەنىن العا تارتىپ, كورشىلەس رەسەيدە 1 بالاعا 639 مىڭ رۋبل - 3 ملن 195 مىڭ تەڭگە, 2 بالاعا 883 مىڭ رۋبل - 4 ملن 400 مىڭ تەڭگە بەرىلەتىنىن مىسال رەتىندە كەلتىردى.
