فوتو: uralskweek.kz
6 ناۋرىز كۇنى ە. راحماديەۆ اتىنداعى فيلارمونيا زالىندا ساعات 19:30-دا «جىگىتتەر» توبىنىڭ 20 جىلدىق مەرەكەلىك كونتسەرتى وتەدى. سول سياقتى ءدال وسى كۇنى «استانا وپەرا» وپەرا جانە بالەت تەاترىندا حالىقارالىق ايەلدەر كۇنىنە وراي «نۇرا» اۋدانى ايەلدەر قاۋىمىنا ارنالعان «تى – مويا مەلوديا» مەرەكەلىك كونتسەرتى, «ناز» مەملەكەتتىك بي تەاترىندا «ارۋ عۇمىر» كونتسەرتى ۇيىمداستىرىلادى.
7 ناۋرىز كۇنى ەلوردانىڭ بىرقاتار ءبىلىم بەرۋ مەكەمەسىندە مەرەكەلىك ءىس-شارالار جوسپارلانىپ وتىر. ماسەلەن, ە. سەركەباەۆ اتىنداعى №3 بمم-دە, ر.باعلانوۆا اتىنداعى №2 بمم-دە, №16 ورتا مەكتەپتە «كوكتەم مەرەكەسى» 8 ناۋرىز حالىقارالىق ايەلدەر كۇنىنە ارنالعان مەرەكەلىك كونتسەرت ۇيىمداستىرىلادى. سول سياقتى «تەحنيكالىق شىعارماشىلىق ورتالىعىندا» «ارداقتى اناشىم» تەحنيكالىق ديزاين ۇيىرمە وقۋشىلارى اراسىندا كونتسەرتتىك باعدارلاما ۇيىمداستىرىلادى.
7 ناۋرىز كۇنى ە. راحماديەۆ اتىنداعى فيلارمونيادا ساعات 19:30-دا نۇربولات ءابدۋلليننىڭ جەكە كونتسەرتى وتەدى.
8 ناۋرىز كۇنى ساعات 18:00-دە م.گوركي اتىنداعى ماودت ساحناسىندا «ۆوسەم ليۋبياششيح جەنششين» قويىلىمى, مۋزىكالىق جاس كورەرمەن تەاترىندا ساعات 14:00-دە جانە 19:00-دە «گاۋhارتاس» قويىلىمى, سول سياقتى جاستار تەاترىندا ساعات 19:00-دە تەاترلاندىرىلعان كونتسەرتتىك باعدارلاما «ماحاببات مينياتيۋرالارى» جوسپارلانىپ وتىر.
8 ناۋرىز كۇنى ساعات 19:30-دا ە. راحماديەۆ اتىنداعى فيلارمونيادا «توقتار مەن بەيبىت: جاڭا باعدارلاما» كونتسەرتى, ال 9 ناۋرىز كۇنى ساعات 19:00-دە كونگرەسس-تسەنتردە ءانشى Inna-نىڭ جەكە كونتسەرتى وتەدى.
9 ناۋرىزدا بەيبىتشىلىك جانە كەلىسىم سارايىندا ساعات 19:30-دا اليشەر كاريموۆتىڭ جەكە كونتسەرتى وتەدى. ال ساعات 19:00-دە ە. راحماديەۆ اتىنداعى فيلارمونيادا «شىمكەنت شوۋ» ءازىل-ىسقاق تەاترىنىڭ مەرەكەلىك كونتسەرتى وتەدى.
سونىمەن قاتار 9 ناۋرىز كۇنى №65 مەكتەپ-گيمنازياسىندا مەكتەپ جانە بالاباقشا وقىتۋشىلارى مەن تاربيەشىلەر اراسىندا سپارتاكيادا وتەدى.
10 ناۋرىز ساعات 19:00-دە ە. راحماديەۆ اتىنداعى فيلارمونيادا قۋاندىق راحىم مەن البينا شارداروۆانىڭ «بولايىق بىرگە» اتتى كونتسەرتى ۇيىمداستىرىلادى.
مەرەكە قارساڭىندا ەلوردانىڭ بارلىق اۋدانىندا «التىن القا» جانە «كۇمىس القا» القالارىمەن كوپبالالى انالاردى ماراپاتتاۋ ءراسىمى وتەدى.
بايقوڭىر اۋدانىنىڭ اكىمى تىل ەڭبەككەرلەرىن ارنايى قۇتتىقتاسا, وزگە اۋدانداردا بەلسەندى ايەلدەردى قۇتتىقتاۋ ءىس-شارالارى جوسپارلانىپ وتىر.
سول سياقتى «قامقور» الەۋمەتتىك قىزمەت كورسەتۋ ورتالىعىندا «قامقور ارۋلارى» اتتى قىزمەت الۋشىلار اراسىندا, سول سياقتى «ارۋلار نازىك جاندار» اتتى قىزمەتكەرلەر اراسىندا مەرەكەلىك ءىس-شارالار وتەدى.
