فوتو: kk.rayhaber.com
ەستۋ قابىلەتى ناشار سپورتشىلار اراسىنداعى جارىستا 36 مەملەكەتتەن كەلگەن
1 مىڭعا جۋىق ۇمىتكەر باق سىناپ جاتىر. ولار تاۋ شاڭعىسى, سنوۋبورد, شاڭعى, شاحمات, فۋتزال جانە كەرلينگتەن سايىسقا ءتۇسىپ, 34 مەدالدار جيىنتىعىن ساراپقا سالىپ جاتىر. انادولى ەلىنە قازاقستاننىڭ 26 ورەنى اتتاندى. ءدۇبىرلى دودانىڭ اشىلۋ سالتاناتىندا قازاقستاننىڭ تۋىن شاحماتتان الەم چەمپيوناتىنىڭ قولا جۇلدەگەرى سۇلتان قوجاحمەتوۆ ۇستاپ شىقتى. بۇل جارىس 12 ناۋرىزدا ءوز مارەسىنە جەتەدى.
– تۇركياداعى دوداعا ءبىز بارىنشا دايارلاندىق. التى بىردەي رەسپۋبليكالىق دەڭگەيدەگى جارىستار وتكىزىپ, توعىز وقۋ-جاتتىعۋ جيىنىن ۇيىمداستىردىق. وسىنىڭ بارلىعى اتالعان وسى ويىنداردا ءوزىنىڭ وڭدى ناتيجەسىن بەرەدى دەپ ويلايمىن, – دەيدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ باسشىسى ەرجان ەستاەۆ.
