فوتو: Polisia.kz
سارىارقا اۋدانى پب پوليتسيا ءبولىمىنىڭ باستىعى قادىر مالعازداروۆ دوسىنىڭ سۋعا باتىپ بارا جاتقانىن كورىپ, بالىقشىلاردى كومەككە شاقىرىپ ۇلگەرگەن 7 جاستاعى پۋس دارحان ەسىمدى بالاعا ريزاشىلىعىن ءبىلدىرىپ, ماراپاتىن ۇسىندى. سونداي-اق سۋعا باتىپ بارا جاتقان بالانى قۇتقارعان بالىقشى ابدۋجاپبار ابدۋرايموۆقا دا باعالى سىيلىق تابىس ەتىلدى. اتالعان وقيعا بويىنشا «102» جەدەل ارناسىنا ەسىل وزەنىنىڭ جاعالاۋىندا بالىقشىلار كامەلەتكە تولماعان بالانى سۋدان الىپ شىققانى تۋرالى حابار ءتۇسىپ, جەدەل تۇردە اۆتوپاترۋل جىبەرىلگەن.
انىقتالعانداي, 7 جاستاعى بالا قۇربىسىمەن جاعالاۋ بويىمەن سەرۋەندەۋگە بارىپ, ويناپ ءجۇرىپ مۇزعا شىققان. ءبىر مەزەتتە مۇز جارىلىپ, بالالاردىڭ ءبىرى سۋعا قۇلاپ كەتكەن. جاقىن جەردەن بالىقشىلاردى كورگەن بالا جۇگىرىپ بارىپ, كومەك سۇراعان. سۋعا باتىپ بارا جاتقان بالاعا دەرەۋ جەتكەن بالىقشىلاردىڭ جەدەل ارەكەتىنىڭ ارقاسىندا, قۇلاعان بالا قۇتقارىلىپ, كەيىن جەدەل جاردەم شاقىرىلعان. قازىرگى ۋاقىتتا بالانىڭ دەنساۋلىق احۋالى جاقسى.
