ورتالىقتىڭ اشىلۋىندا عىلىم جانە جوعارى ءبىلىم ءمينيسترى ساياسات نۇربەك كۇردەلى گەوساياسي, ەكونوميكالىق جانە وڭىرلىك جاعدايلاردا اناليتيكا, ساراپتامامەن جۇمىس ىستەۋدىڭ وزەكتى ەكەنىن اتاپ ءوتتى. سونداي-اق ول عىلىم جانە جوعارى ءبىلىم مينيسترلىگى «MIND» عىلىمي-تالداۋ ورتالىعىنىڭ جوبالارى مەن باستامالارىن قولداۋعا دايىن ەكەنىن جەتكىزدى.
ال مينيستردەن سوڭ ءسوز العان Maqsut Narikbayev University باسقارما توراعاسى تالعات نارىكباەۆ عىلىمي ورتالىققا قاتىستى ويىن: «قازىرگى ۋاقىتتا ۋنيۆەرسيتەت وقىتۋشىلىق باعىتتان زەرتتەۋ باعىتىنا كوشۋگە ارنالعان جاڭا دامۋ ستراتەگياسىن ازىرلەدى, ال «MIND» قولدانبالى عىلىمي زەرتتەۋ ورتالىعى – وسى ستراتەگيانىڭ اجىراماس بولىگى», دەپ جەتكىزدى.
ورتالىقتىڭ اشىلۋى اياسىندا «MIND»-ءتىڭ كەيبىر عىلىمي زەرتتەۋلەرىنىڭ ناتيجەلەرى تانىستىرىلدى جانە سوڭىندا عىلىمي ورتالىق بويىنشا ەكسكۋرسيا وتكىزىلدى, ونىڭ بارىسىندا بىرقاتار حالىقارالىق ۇيىممەن, مەملەكەتتىك ورگاندارمەن جانە كۆازيمەملەكەتتىك كومپانيالارمەن ارىپتەستىك كەلىسىمدەر جاسالدى.
ورتالىقتى ۇيىمداستىرۋشىلاردىڭ اقپاراتىنا سۇيەنسەك, «MIND» ورتالىعى ورتالىق ازيا مەن جالپى الەمدە تۇراقتى دامۋعا ۇمتىلۋ جانە قولدانبالى زەرتتەۋلەر جۇرگىزەتىن ساراپشىلاردى بىرىكتىرۋ ماقساتىندا قۇرىلدى. سونداي-اق ورتالىق تاۋەلسىز قولدانبالى زەرتتەۋلەر جۇرگىزۋ, ستراتەگيالىق شەشىمدەر قابىلداۋ ساپاسىن دامىتۋ, كەڭەس بەرۋ, ارىپتەستىك ورناتۋ جانە «MIND» ينستيتۋتسيونالدىق تۇراقتىلىعىن قامتاماسىز ەتۋدى كوزدەيدى. ال تالداۋ ورتالىعىنىڭ قۇندىلىقتارى جۇرگىزىلىپ جاتقان زەرتتەۋلەردىڭ تاۋەلسىزدىگىنەن, اكادەميالىق ادالدىقتان, ىنتىماقتاستىق پەن سەرىكتەستىكتەن, اشىقتىقتان, قوعاممەن بايلانىستان جانە ناتيجەلەرگە قول جەتكىزۋدەن تۇرادى. سونىمەن قاتار «MIND» ورتالىعى – اتالعان ۋنيۆەرسيتەت پەن پارلامەنت سەناتىنىڭ بىرلەسكەن جوبالىق كەڭسەسى. بۇل وزەكتى زاڭنامالىق باستامالاردى ازىرلەۋگە ىقپال ەتەدى.
