فوتو: gov.kz
زاڭ مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماقساتىندا جانە مەملەكەتتىك باقىلاۋ مەن قاداعالاۋ سيپاتتارىن رەتكە كەلتىرۋگە, كاسىپكەرلىك قىزمەتتى جۇرگىزۋ مەن دامىتۋ جاعدايلارىن جاقسارتۋعا باعىتتالعان.
سەناتورلار مەملەكەتتىك ورمان قورى جەرلەرىن باسقا ساناتتاعى ماقساتتاعى جەرلەرگە, ونىڭ ىشىندە وبلىستىق جانە اۋداندىق ماڭىزى بار جولداردى سالۋعا اۋىستىرۋ مۇمكىندىگىن ساقتاۋعا بايلانىستى, ساۋدا قىزمەتىن رەتتەۋ سالاسىندا ۋاكىلەتتى ورگان ايقىندايتىن شەكتى ساۋدا ۇستەمەسىن قولدانۋ ءتارتىبىن بەلگىلەۋدى كوزدەيتىن ەرەجەلەردى تالقىلادى.
قۇجاتتا سونىمەن قاتار الەۋمەتتىك ماڭىزى بار ازىق-ت ۇلىك تاۋارلارىنا باعانى تۇراقتاندىرۋ تەتىكتەرىن ىسكە اسىرۋ كەزىندە مەملەكەتتىك اتاۋلى الەۋمەتتىك كومەك الۋشىلارعا قولداۋ كورسەتۋ, وڭدەۋ ونەركاسىبى كاسىپورىندارىن وتاندىق شيكىزاتپەن قامتاماسىز ەتۋ تەتىگىن جەتىلدىرۋ, بىرىڭعاي تولەم بولشەكتەرىندەگى ۇلەستى قايتا ەسەپتەۋ جانە باسقا دا ماسەلەلەرگە تۇزەتۋلەر ەنگىزۋ كوزدەلىپ وتىر.
دەپۋتاتتار كەڭەيتىلگەن وتىرىستىڭ قورىتىندىسىندا زاڭدى پالاتادا ەكىنشى وقىلىمدا قاراۋعا جىبەرۋ تۋرالى شەشىم قابىلدادى.
