فوتو: gov.kz
«2024 جىلعى 1 اقپانداعى جاعداي بويىنشا مۇگەدەكتىگى بويىنشا ءماج الۋشىلار سانى شامامەن 537,3 مىڭ, ال اسىراۋشىسىنان ايىرىلۋ جاعدايى بويىنشا شامامەن 192,9 مىڭ ادام. مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.
اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان (قازا بولعان) اسىراۋشىنىڭ اسىراۋىنداعى ادامداردىڭ سانىنا, قايتىس بولۋ سەبەپتەرىنە جانە ەڭ تومەن كۇنكورىس دەڭگەيىنە بايلانىستى بولادى.
بۇدان باسقا, مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تاۋەكەلدەر تۋىنداعان جاعدايدا ماسق-تەن الەۋمەتتىك تولەمدەر تولەنەدى. ماسەلەن, 2024 جىلعى 1 اقپانداعى جاعداي بويىنشا 85,7 مىڭ ادام ەڭبەككە قابىلەتتىلىكتەن ايىرىلۋ بويىنشا الەۋمەتتىك تولەم, ال اسىراۋشىسىنان ايىرىلۋ بويىنشا الەۋمەتتىك تولەمدى شامامەن 58,7 مىڭ وتباسى الدى.
تولەمدەردىڭ مولشەرى جەكە بولادى جانە مىنالارعا بايلانىستى: سوڭعى 2 جىلداعى ماسق-كە الەۋمەتتىك اۋدارىمدار جۇرگىزىلگەن ورتاشا ايلىق تابىس, ەڭبەككە قابىلەتتىلىگىنەن ايىرىلۋ كوەففيتسيەنتتەرى, اسىراۋىنداعى ادامدار سانى, مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى اۋىستىرۋ. بۇل تولەمدەر رەسپۋبليكالىق بيۋدجەتتەن تولەنەتىن ۇقساس جاردەماقىلارعا قوسىمشا جۇزەگە اسىرىلادى.
2024 جىلعى 1 قاڭتاردان باستاپ مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى ەڭ تومەن كۇنكورىس دەڭگەيىنىڭ ۇلعايۋىنا بايلانىستى 7 %-عا ءوستى. ۇكىمەتتىڭ شەشىمى بويىنشا ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا ماسق-تەن تولەنەتىن تولەمدەردىڭ مولشەرى دە 7 %-عا ارتتى.
ماسەلەن, بيىل جالپى اۋرۋدان مۇگەدەكتىگى بويىنشا ءماج مولشەرى 1-توپ ءۇشىن 95 496 تەڭگە, 2-توپ ءۇشىن – 76 397 تەڭگە, 3-توپ ءۇشىن – 52 089 تەڭگەگە جەتتى.
2024 جىلعى 1 اقپانداعى جاعداي بويىنشا ەڭبەككە قابىلەتتىلىگىنەن ايىرىلۋ بويىنشا ماسق-تەن تولەنەتىن الەۋمەتتىك تولەمدەردىڭ ورتاشا مولشەرى 57 035 تەڭگە بولسا, اسىراۋشىسىنان ايىرىلۋ بويىنشا 53 898 تەڭگەگە جەتكەنى», جازىلعان اقپاراتتا.
