پەداگوگيكالىق كورپۋس

وسى جىلدىڭ اقپانى مەن ناۋرىزى ارا­لىعىندا 50-دەن استام ەلدىڭ قاتى­سۋى­­مەن «TALIS-2024» ءتورتىنشى تسيكلى وتەدى. وعان ەلىمىزدەگى 378 مەكتەپتىڭ 8 مىڭ-عا جۋىق مۇعالىمى مەن ديرەكتور­ى قا­تى­سادى. مۇعالىمدەردىڭ ەڭبەك جاع­داي­لا­رىن جانە مەكتەپتەردەگى ءبىلىم بەرۋ ورتا­سىن باعالايتىن زەرتتەۋدىڭ ناتيجە­لەرى 2026 جىلى جاريالانادى. تالداۋ رەس­­پۋب­ليكانىڭ سەگىز ماكرووڭىرى بويىنشا ۇسى­نىلادى. قازاقستان بۇل زەرتتەۋ­گە­ 2018 جىلدان بەرى قاتى­سىپ كەلەدى. ءار التى جىل سايىن ەكونو­مي­كالىق ىن­تى­­ماقتاستىق جانە دامۋ ۇيى­مى­نىڭ قول­داۋىمەن وتكىزىلىپ كەلەدى. پەدا­گو­گي­كا­لىق كورپۋسىنىڭ كۇشتى جانە ءالسىز تۇس­تا­رىن انىقتايتىن «TALIS» ەڭ اۋقىم­دى حا­لىق­­ارالىق زەرتتەۋلەردىڭ بىرىنە اي­نالعان. مەكتەپتەردەگى پەداگوگتەر مەن ءبى­لىم بەرۋ ورتاسىنىڭ جۇمىس جاعداي­لا­رىن تاۋەل­سىز باعالاۋ ءبىلىم سالاسىنىڭ ءورىسىن كەڭەي­تەدى.

– بۇل تسيكلدىڭ ەرەكشەلىگى ءبىلىم بەرۋ جۇيەسىنىڭ قازىرگى ماسەلەلەرى تۋرالى جاڭا سۇراقتاردىڭ قوسىلۋى: ارتۇرلىلىك پەن تەڭدىك, وقۋشىلاردىڭ الەۋمەتتىك جانە ەموتسيونالدىق وقۋى, ءبىلىم بەرۋ ماقساتىندا تەحنولوگيالاردى پايدالانۋ جانە قورشاعان ورتا مەن تۇراقتى دامۋ بويىنشا ءبىلىم بەرۋ. زەرتتەۋگە ى.التىنسارين اتىنداعى ۇلتتىق ءبىلىم اكادەمياسىنىڭ, رەسپۋبليكالىق ءبىلىم مازمۇنىن ساراپتاۋ عىلىمي-پراكتيكالىق ورتالىعىنىڭ, «ورلەۋ» باۇو ساراپشىلارى جانە ل.ن.گۋميلەۆ اتىنداعى ەۇۋ وقىتۋشىلارى بىرلەسىپ ازىرلەگەن ۇلتتىق ماسەلەلەر ەنگىزىلەدى, – دەدى ءبىلىم بەرۋ سالاسىنداعى ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆ.

زەرتتەۋدىڭ ناتيجەسى قالاي بولارى بەيمالىم. دەگەنمەن بۇگىندە ەڭبەك جاعدايى مەن ءبىلىم بەرۋگە بايلانىستى بىرقاتار وزگەرىس بولىپ جاتىر وقۋ-اعارتۋ مينيسترلىگى بۇل باعىت بويىنشا بىرقاتار ءىس اتقاردى. مىسالى, عىلىم جانە جوعارى ءبىلىم مينيسترلىگىمەن بىرلەسىپ ساپا قۇزىرەتتىلىك مودەلىن پايدالانۋ ارقىلى پەداگوگيكالىق ءبىلىم بەرۋدى قايتا فورماتتاۋ جۇمىسى جۇرگىزىلىپ جاتىر. ستۋدەنتتەردىڭ اكادەميالىق ۇتقىرلىعىن دامىتۋ مەن پراكتيكانىڭ جاڭا فورماتىن ەنگىزۋ ءىسى دە كۇن تارتىبىندەگى ماسەلەدە تۇر. ودان بولەك, مينيسترلىك مەملەكەت باسشىسىنىڭ تاپسىرماسىمەن وتكەن جىلدان باستاپ ءبىلىم بەرۋدەگى وزگەرىستەردىڭ كوشباسشىلارىن ىرىكتەۋدى باستادى. قازىر ء«بىلىم بەرۋدەگى جاڭا وزگەرىستەردىڭ 1000 كوشباسشىسى» جوبا­سى اياسىندا ىرىكتەۋدەن ءساتتى وتكەندەر ىسكە ساقاداي ساي تۇر. كادرلىق رەزەرۆكە وتكەن ۇمىتكەرلەر وتاندىق ءبىلىم ساپاسىن ارتتىرۋ جانە پەداگوگ كادرلاردى كاسىبي دايارلاۋعا باسا نازار اۋدارۋ قاجەت.

– وتكەن جىلدىڭ باسىندا وقۋ-اعار­تۋ مينيسترلىگى ەلىمىزدەگى ءبىلىم ساپاسىن ودان ءارى ارتتىرۋ ءۇشىن 5 نەگىزگى با­عىتتى ايقىندادى. ولاردىڭ ىشىندە مەنەدج­مەنتتى نىعايتۋ جانە كادرلىق رەزەرۆ­تى قالىپتاستىرۋ دا بار. مەملەكەت باسشى­سىنىڭ تاپسىرماسى بويىنشا ءبىز «1000 وزگەرىستەر كوشباسشىسى» جوباسىن ىسكە قوس­تىق. بۇل – وتاندىق ءبىلىم جۇيەسىن دامى­تۋدىڭ جاڭا كەزەڭى. سەگىز ايدىڭ ىشىن­دە سىزدەر ىرىكتەۋدەن ءوتىپ, جەكە, كاسىبي, باس­قا­رۋشىلىق, اناليتيكالىق داعدىلار مەن قۇزىرەتتەرىڭىزدى دامىتتىڭىزدار. ەندى سىزدەر ناعىز كوشباسشىلار رەتىندە ەلى­مىز­دەگى ءبىلىم بەرۋ جۇيەسىنىڭ ساپاسىن ارت­تىرۋعا ءوز ۇلەسىڭىزدى قوسۋلارىڭىز كەرەك. ەڭ باستىسى – بالالارىمىز بەن پەدا­گوگ­تەرىمىزگە جايلى جانە قاۋىپسىز ورتا قا­لىپ­­تاستىرۋ, – دەيدى وقۋ-اعارتۋ ءمينيسترى عاني بەيسەمباەۆ.

جوبانىڭ العاشقى كەزەڭىنە بارلىعى 8 068 ءوتىنىم بەرىلگەن. ۇمىتكەرلەر قۇزىرەتتىلىكتى باعالاۋ, ءۇش دەڭگەيلى وقىتۋ, ەلىمىزدىڭ جەتەكشى مەكتەپتەرىندە تاعىلىمدامادان ءوتۋ, قورىتىندى باعالاۋ جانە مينيسترلىك جانىنداعى كوميسسيامەن اڭگىمەلەسۋ سىندى سىناقتاردان ءوتتى. ۇمىتكەرلەردى ىرىكتەۋ جانە بىلىك­تى­لىگىن ارتتىرۋدى «پەداگوگيكالىق شەبەر­لىك ورتالىعى» وتكىزدى. بارلىق بەس كەزەڭ­نىڭ قورىتىندىسى ەسەپكە الىنىپ, رەسپۋب­لي­كالىق كادر رەزەرۆىنە 208 كانديدات كىردى. وسى تىزىمگە ىلىككەن استانا قالاسىنىڭ ا.سەيدىمبەك اتىنداعى №54 مەكتەپ-ليتسەي ديرەكتورىنىڭ وقۋ-تاربيە ءىسى جونىندەگى ورىنباسارى قايرات مۇقاشەۆ ءبىلىم سالاسىنداعى باعىتىمدى انىقتاۋ ءۇشىن جوباعا قاتىستىم دەيدى.

– جوباعا قاتىسۋ مەنىڭ باس­قارۋ ءتاسى­لىمدى تۇبەگەيلى وزگەرتتى. بالا­لارى­مىزعا قو­لايلى جاعداي جاساۋ جانە ۇجىممەن بىر­گە قاي باعىتتا داميتىنىمىز تۋرالى ويلا­نا باستادىم. ەڭ باستىسى, بۇل جوبا ارىپ­تەس­تەرىمنىڭ بولاشاققا جانە ءوز كۇش­تە­رىنە دەگەن سەنىمىن ارتتىردى, – دەدى ۇمىت­كەر.

جاسامپاز جاڭا بۋىن ەلىمىزدەگى كادر تاپشىلىعى ماسەلەسىن شەشۋگە كومەكتەسىپ, جاڭا مەكتەپتەردى, ونىڭ ىشىندە جوعارىدا جازىلىپ تۇرعان «جايلى مەكتەپ» ۇلتتىق جوباسى شەڭبەرىندە سالىنىپ جاتقان مەكتەپتەردى باسقارۋعا جىبەرىلەدى.