جايلى مەكتەپ جايى

ۇلتتىق جوبانى جۇزەگە اسى­رۋدىڭ ءبىرىنشى كەزەڭىنە ەنگەن بارلىق 218 مەكتەپتىڭ مەر­دىگەرلەرى مەن «Samruk-Kazyna Construction» اراسىندا ەرس-شارتتارعا قول قويىلدى. جوس­پارلانعان ءبىلىم بەرۋ نى­سان­دارىنىڭ قۇرىلىسى دا باستالىپ كەتكەن. ەندى سول مەكتەپتەر تالاپقا ساي بولىپ, ۋاقىتىندا قولدانىسقا بەرىلسە, ەلىمىزدەگى ورىن تاپشىلىعى ماسەلەسىن شەشۋگە وڭ اسەر ەتەدى. جوبا بويىنشا 2024-2025 جىلدارى بارلىعى 740 مىڭ وقۋشى ورنى اشىلادى. نەگىزگى باسىمدىق قالا مەن اۋىلدىق مەكتەپتەر اراسىنداعى الشاقتىقتى ازايتۋعا باعىت­تالعان. ايتا كەتەيىك, سالىنعان ءبىلىم نىساندارىنىڭ جارتىسىنا جۋىعى اۋىلدىق جەرلەردە ورنالاسادى.

218 جايلى مەكتەپتىڭ العاش­قى لەگى جاڭا وقۋ جىلىندا بەرىلسە, قالعانى جىل سوڭىنا دەيىن دايىن بولۋى كەرەك. ءاۋ باستان جوبا جوسپارداعىداي بولادى دەپ سەندىرگەن «Samruk-Kazyna Construction» باسقارما توراعاسى ماۋلەن ايمانبەتوۆ قۇرىلىس جۇمىستارىن ءوزى بارىپ, تىكەلەي قاداعالاپ ءجۇر. جۇمىس قارقىنى ءار وڭىردە ءارتۇرلى. كەيبىر مەردىگەرلەر جاقسى ناتيجە كورسەتىپ جاتسا, كەيبىرەۋىنە قاتاڭ ەسكەرتۋ جاسالعان.

ماسەلەن, جەزقازعان قالا­سىن­داعى «گەولوگيچەسكي» شاعىن اۋدانىندا 300 وقۋشىعا ارنالعان جايلى مەكتەپتىڭ قۇرىلىس قارقىنى ءالسىز. سەبەبى جوبا قۇنىن نەگىزسىز قىمباتتاتۋ جاعدايلارىنىڭ انىقتالۋىنا بايلانىس­تى جۇمىستار توقتاتىلعان. قازىرگى كەزدە ىرگەتاس ورنى دايىن, تاس­پالارى مەن بلوكتارى ءىشىنارا ورناتىلعان. ال جوس­پار بو­يىنشا نىسان قىرقۇيەك ايىندا قولدانىسقا بەرىلۋى كەرەك. الايدا 6-7 ايدىڭ ىشىندە اپىل-عۇپىل سالىنعان مەكتەپ جايلى بولا قويار ما ەكەن.

اقمولادا دا قارقىن باياۋ. مەر­دىگەرلەر ارقانىڭ قولايسىز اۋا رايىن العا تارتىپ, جاڭا وقۋ جىلىنا دەيىن ۇلگەرمەيمىز دەپ شاعىنىپ وتىر. بىراق م.اي­مان­بەتوۆ قىستى سىلتاۋراتىپ, قاراپ وتىراتىن ۋاقىت جو­عىن ايتتى. «ەگەر مەردىگەر 1 قىر­كۇ­يەككە دەيىن مەكتەپتى تاپسىرىپ ۇل­گەرەم دەسە, ۇلگەرەدى. ەگەر باس­تاپقىدا ءوز-وزىنە سەنبەسە, وندا ۋاقتىلى اياقتاي المايدى, ءجۇز سەبەپ پەن سىلتاۋ ىزدەيدى. تۇسى­نى­ڭىز­دەر, بالالار كۇتىپ وتىر. ولار بيىلعى وقۋ جىلىندا جاڭا جايلى مەكتەپتىڭ تابالدىرىعىن اتتايتىنىنا قۋانىشتى», دەدى ول.

ايتا كەتەيىك, اقمولا وبلىسىندا 18 جايلى مەكتەپ سالۋ جوسپارلانعان. بيىلعى جىل­دىڭ سوڭىنا دەيىن كوكشەتاۋ قالا­سىندا, تالاپكەر, قوياندى, قارا­جار, قاراوتكەل, اقمول جانە قابان­باي باتىر اۋىلدارىندا 9 نىسان پايدالانۋعا بەرىلۋگە ءتيىس. مەك­­تەپتەردى «Bi Global» جشس, «كاز­­­سترويپودرياد» جشس, «ك.گ. س. ساۋ­دا» جشس, «ۋك ستروي» جشس, «Integra Sonstruction» جشس كوم­پا­نيالارى سالىپ جاتىر.

ال سولتۇستىك قازاقستان وبلىسىنداعى مەردىگەر ۇيىم­دار­دىڭ باسشىلارى ۇساق-تۇيەك شارۋالار بولماسا, قۇرىلىستى تەجەيتىندەي كۇردەلى ماسەلەلەر جوق دەپ سەندىرىپ وتىر. وبلىس اكىمى دە مەكتەپتەردىڭ ساپالى سالىنىپ, ۋاقتىلى بەرىلەتىنىن ايتتى. «ۇلتتىق جوبا بەلسەندى ساتىعا ءوتتى, سوندىقتان جۇمىسقا جاۋاپكەرشىلىكپەن قاراڭىزدار! بۇل مەملەكەت باسشىسىنىڭ باستاماسىمەن قولعا الىنعان ۇلتتىق جوبا. كەيبىر وڭىرلەردە 10-50 مەكتەپ سالىنىپ جاتىر. ەگەر ءبىز 4 مەكتەپتى سالا الماساق, ۇيات بولادى», دەدى عاۋەز نۇرمۇحامبەتوۆ مەردىگەرلەرگە.

ال ماڭعىستاۋ وبلىسىندا ءبىلىم كۇنىنە دەيىن 7 جايلى مەكتەپ قولدانىسقا بەرۋگە دايىن بولۋى كەرەك بولسا, 6 مەكتەپ جىل سوڭىنا دەيىن سالىنىپ بىتۋگە ءتيىس. جوسپار ورىندالسا ۇلتتىق جوبانىڭ ءبىرىنشى كەزەڭى وڭىردە 12,6 مىڭ وقۋشى ورنىن اشۋعا مۇمكىندىك بەرەدى. ال جالپى جۇمىس قارقىنى بويىنشا تەك ەكى مەكتەپتىڭ مەردىگەرلەرىنە ەسكەرتۋ ايتىلدى. قازىرگى كەزدە ماسەلە شەشىمىن تاپقان. سوندىقتان ولارعا كەستەدەگى مەرزىمگە ىلەسىپ كەتۋ ءۇشىن جۇمىستى كۇشەيتۋ تاپسىرىلدى.

قوستانايدا دا قۇرىلىس جۇ­مى­­سى قالىپتى. ماۋلەن اي­مان­­­بەتوۆتىڭ سوزىنشە, بار­لىق مەر­دى­گەردىڭ نىسانداردى­ ۋاق­تى­لى تاپ­سىرا الا­تىن مۇم­كىندىگى بار. ول ءۇشىن جۇ­مىس­تى 2-3 اۋىسىمدا ۇيىم­داس­تىرىپ, قۇرىلىس كە­زىن­دە جوبا­دان اۋىت­قىماۋ كەرەك. ايتىلعان ءسوز ورىندالسا, بيىل 6 مەكتەپ ەسىگىن ايقارا اشادى.

ال پاۆلودار وبلىسىنداعى مەكتەپ مەردىگەرلەرىنە م.اي­مان­­بەتوۆ قۇرىلىس اۋما­عى­نان سۋ قۇبىرى مەن كارىز جەلى­لەرىن شىعارۋ جۇمىستارىن جەدەل­دەتۋدى تاپسىردى. بۇل وڭىردە ودان وزگە ايتارلىقتاي ماسەلە جوق. دەگەنمەن مەكتەپتەردىڭ جوبالىق قۋاتىن قىسقارتۋ تۋرا­لى ءوزارا ۇجىمدىق شەشىم نازا­رى­­مىزدى اۋدارتتى. اتاپ ايت­قاندا, «جاستار» شاعىن اۋدا­­نىنداعى جايلى مەكتەپتىڭ جو­با­­لىق قۋاتى 1 200-دەن 300-گە­ دەيىن, «ۋسولسكي» شاعىن اۋ­دا­­­­­­­نىنداعى جايلى مەكتەپتىڭ ج­و­با­لىق قۋاتى 1 200-دەن 600-گە دەيىن ازايعان. «Samruk-Kazyna Construction» كومپانياسىنىڭ ءباسپاسوز قىزمەتى ونىڭ سەبەبىن: «بۇل شاعىن اۋدانداردا وقۋشى ورىن­دارىنىڭ تاپشىلىعى جوق, سون­دىقتان ولاردىڭ ىقتي­مال جۇك­تەمەسى تۋرالى ماسەلە تۋىن­­­داي­­دى. سونىمەن قاتار قۇ­رى­­­­لىس الاڭى تار», دەپ ءتۇسىن­دى­رىپ­تى. بىراق باستاپقى قارا­جات 1 200 ورىن­دىق مەكتەپكە ەسەپ­تە­لىپ بولىن­گەنى بەلگىلى. وسى تۇس­تا­ قار­­جى قايدا كەتەدى دەگەن سۇراق تۋا­­دى.

«جايلى مەكتەپتىڭ» ەڭ كوبى سالىناتىن تۇركىستان وبلىسىندا 2025 جىلدىڭ سوڭىنا دەيىن قالا مەن اۋىلداردا 49 مىڭ وقۋشى ورنىنا شاقتالعان 63 ءبىلىم ۇياسىن سالۋ كوزدەلگەن. ويتكەنى بۇل ءوڭىر ورىن تاپشىلىعى ماسەلەسى وتە وزەكتى ايماقتاردىڭ قاتارىندا. بەكىتىلگەن كەستەگە ساي 29 ءبىلىم بەرۋ نىسانى وسى جىلى قولدانىسقا بەرىلمەك, ولاردىڭ 19-ى جاڭا وقۋ جىلىندا وقۋشىلاردى قابىلداۋعا دا­يىن بولادى. الايدا 2 مەكتەپتىڭ قۇرىلىسىنا جاۋاپتى جەرگىلىكتى «Ar Kua Group» جشس جوس­پاردان قالىپ بارادى. شارۋا قارقىنىن تاپسىرىس بەرۋشى «Samruk-Kazyna Construction» كوم­پانياسىنان بولەك, جەرگى­لىك­تى اتقارۋشى ورگاندار دا, وبلىس اكىمى دە ءوز باقىلاۋىنا الماق.

ال مەكتەپتەردىڭ قاۋىپسىزدىگى مەن جابدىقتالۋىنا كەلەتىن بولساق, وقۋ-اعارتۋ ءمينيسترى عاني بەيسەمباەۆ جاڭا فور­مات­تاعى ءبىلىم بەرۋ نىساندارىندا باستاۋىش جانە جوعارى سىنىپ وقۋشىلارىنا بولەك بلوكتار قاراستىرىلاتىنىن اتاپ ءوتتى. ەرەكشە ءبىلىم بەرۋ قاجەتتىلىكتەرى بار بالالاردىڭ كەدەرگىسىز ءجۇرىپ-تۇرۋىنا مۇم­كىن­دىك جاسالادى. وقۋ ورىندارىن جوبالاۋ كەزىندە كىرە­بەرىس, جەدەلساتى, باسپالداق, وقۋ سىنىبى, جۋىناتىن بولمە بار­لىعى ەسكەرىلەدى. زاماناۋي تەحنيكالىق قۇرال-جابدىقتار ورنا­تىلىپ, قاۋىپسىزدىك شارا­لارىن ارتتىرۋعا ەرەكشە نازار اۋدارىلادى. تسيفرلىق بەينەباقىلاۋ, دابىل تۇيمەسى, دىبىستىق حابارلاۋ, ەسىكتەر مەن بلوكتاردى اۆتوماتتى تۇردە ق ۇلىپتاۋ, ليتسەنزيالانعان كۇزەت قىز­­مەتتەرىمەن قامتاماسىز ەتى­لەدى. سونداي-اق مەكتەپ جاب­دىق­­تارى تەك وتاندىق تاۋار وندى­رۋ­شىلەردەن ساتىپ الىنادى.

«سالالىق قاۋىمداستىق وكىل­دە­رىنىڭ ۇسىنىستارىن ەسكەرە وتىرىپ, وتاندىق وندىرۋشىلەردى قولداۋعا باعىتتالعان قوسىمشا شارالار قابىلداندى. قۇرىلىس ماتەريالدارى مەن جيھازدار تەك وتاندىق تاۋار وندىرۋشىلەردەن ساتىپ الىناتىن بولادى. بۇل رەتتە سىرتقى قاسبەتتەردى بەزەن­دىرۋ­دە قولدانىلاتىن ماتەريالدار نەگىزىنەن وتاندىق ءوندىرىستىڭ ءونىمى بولادى. قوسىمشا قولداۋ شاراسى رەتىندە ءتيىمدى نەگىزدەگى الدىن الا كەلىسىمشارتتاردى قولدانۋ كوزدەلىپ وتىر», دەدى مينيستر.

«جايلى مەكتەپتەرگە» جاق­سى مامان دايارلاۋ دا كەزەك كۇت­تىر­مەيتىن ماسەلە. پرەمەر-ءمي­نيستر­دىڭ ورىنباسارى تامارا دۇي­سەنوۆا عىلىم جانە جوعارى ءبىلىم مينيسترلىگى مەن وقۋ-اعار­تۋ مينيسترلىگىنە وسى ىسكە قازىر­دەن باستاپ كىرىسۋدى جانە جاۋاپ­كەر­شىلىكپەن قاراۋدى تاپسىرعان.