فوتو: Polisia.kz
2009 جىلى ەر ادام پاۆلودار پوليتسياسىنا زايىبىنىڭ جوعالىپ كەتكەنى تۋرالى حابارلاعان. ونىڭ ايتۋىنشا, ايەلى دوسىنا كەتىپ, ۇيىنە قايتىپ ورالماعان. جوعالعان ادام تۋرالى حابار قازاقستان جانە كورشى مەملەكەتتە تاراپ, ىزدەۋ جۇمىستارى جۇرگىزىلگەن. ايەلدىڭ ءمايىتى ءبىر جىلدان كەيىن كولدەن تابىلعان.
گەنومدىق ساراپتاما جوعالعان پاۆلودارلىقتىڭ جەكە باسىن راستادى, تەرگەۋ بارىسىندا كىسى ءولتىرۋ فاكتىسى بويىنشا قىلمىستىق ءىس قوزعالدى. وسى جىلدار ىشىندە ءىس بويىنشا ءتۇرلى ءىس-شارالار وتكىزىلدى, بىراق قىلمىستى اشۋ مۇمكىن بولماعان ەدى. تەرگەۋ باسشىلىقتىڭ ەرەكشە باقىلاۋىندا بولدى. وسى جىلى جەدەل-ىزدەستىرۋ ءىس-شارالارىنىڭ ناتيجەسىندە پاۆلودار وبلىسىنىڭ پوليتسياسى كۇدىكتىنىڭ ىزىنە ءتۇستى. ەر ادام جانجالداسقاندا ونى تۇنشىقتىرىپ ولتىرگەنى انىقتالدى, سودان كەيىن ول ءمايىتتى سۋعا باتىرعان.
– ونىڭ ۇزاق ۋاقىت بويى اسا اۋىر قىلمىس جاساعانى ءۇشىن قاماۋدا بولعانى انىقتالدى. 2022 جىلى شارتتى تۇردە مەرزىمىنەن بۇرىن بوساتىلعان. قىلمىسكەر استانادا ۇستالدى. قازىرگى ۋاقىتتا قىلمىستىق ءىس قايتا قوزعالدى. تەرگەۋ جالعاسىپ جاتىر, – دەدى پاۆلودار وبلىسى پد كريمينالدىق پوليتسيا باستىعى بالعاباي قاپاروۆ.
